【自助餐放蛇起底組】平到笑！酒店$164 任食生蠔 ~!!! 50款海鮮+刺身+熱盤

撰文、攝影：放蛇組

任食生蠔！密密refill無古惑

12nn入座，生蠔區已經有一班人圍着，很快被清空，但等了一會便有店員refill，無古惑，是無限量供應，想食幾多隻都可以。開頭半小時供應的生蠔都幾大隻，蠔肉亦較飽滿，店員說是美國蠔，食落肉質爽口，但似用水沖得太久，得好微弱的海水味，而且有幾隻都有蠔碎，要扣分！之後供應的生蠔有款size較細小，雖然不多肉，但味道較鹹鮮，而且更滑身，吃不吃到好食的蠔，看來要靠運氣啦。

任食生蠔

生蠔密密refill，頭半小時供應的生蠔都較大隻，店員說是美國蠔，但之後陸續都有不同大小的蠔出現。

美國蠔蠔肉幾爽口，但海水味近乎無，好淡味，而且有蠔碎。

之後有些體型較小的生蠔出現，但海水味較濃，而且亦更滑身。

必食彈牙海蝦＋厚切三文魚

除了生蠔外，海鮮還有海蝦和蜆。兩者食落都新鮮，蝦彈牙；蜆肉雖然較迷你，但亦充滿鹹鮮味，但可惜清理得不乾淨，有沙！當日亦有兩款刺身，有三文魚和立魚，三文魚預先切好，立魚即叫才切，兩者均沒有雪味，有魚香，厚切大件亦令口感不錯。另外亦有壽司沙律和水果等。

海蝦彈牙，可encore；但蜆有沙，扣分！

三文魚和立魚切得大件，無雪味，都ok~

另外有各款壽司和卷物。

超多熱盤＋即切肉眼扒＋即煮粉麵

熱盤一共有十數款，有咖喱、印式烤餅、雞翼、香腸等，亦有炒麵、長通粉等飽肚的選擇。記者試了幾款，炒麵好乾身，而且似完全沒有調味；雞翼和煎腸則不錯，前者味道香辣，後者juicy。另外較特別的有豬腳薑，有很香的糖醋味，甜酸平衡得不錯，豬腳亦夠爽滑，難怪當日其他食客不停密密拿豬腳薑。亦有即切肉眼扒和粉麵live station，選擇都算豐富。

炒麵很乾身，完全無味；雞翼和煎腸則不錯。

豬腳薑糖醋味很香，豬腳爽滑入味。

肉眼扒放在開放式廚房的一邊，唔好miss！

粉麵live station，有各款丸類和蔬菜，可惜湯底淡如水。

世紀大騙案　甜品有Häagen-Dazs雪糕？

甜品近門口位，一行入去見到Häagen-Dazs的雪櫃，以為有Häagen-Dazs雪糕食啦…點知…一開櫃係雀巢雪糕，小編的玻璃心又碎了！唯有吃其他甜品定定驚，有蛋糕、奶凍、麵包、啫喱和麵包等，質素都ok。

Häagen-Dazs的雪櫃，以為一定有Häagen-Dazs食？

不要太認真，原來入面只是雀巢雪糕…

甜品約有十款，包括蛋糕、奶凍、麵包、啫喱和麵包等。

總結：首先最吸引的一定是價錢，Buffet星期一至日都供應，但即使是星期六、日的價錢都只是$328，買一送一除開後一人都只是$164，抵到喊，而以這個價錢來說，選擇非常多，除生蠔外，亦有海鮮、刺身和大量熱盤，好豐富。味道方面，生蠔質素較參差，但都起碼正常可以食得落肚；海鮮和刺身都ok；熱盤和甜品則不過不失。而環境坐得舒服，店員亦有瘋狂收碟，任食2.5小時來說…

一句到尾：是一個消磨時間的好地方

品坊

地址：佐敦彌敦道348號香港九龍諾富特酒店1樓(顯示地圖)
電話：3965 8788 / 3965 8782

「任食生蠔國際美食」自助午餐供應時間：12nn-2:30pm

收費：
星期一至五：成人、小童:$308
星期六、日及公眾假期：成人、小童:$328
用餐時間：2.5小時

備註：收加一，買一送一優惠不限人數，由即日至11月30日