夏天唔護髮仲傷過燙染髮質！美編私心推介：日本超人氣「髮の神仙水」洗護系列 + 髮型記憶髮膜

Jun 5 2020

(Presented by PANTENE)

最近美編發現自己唔只因為戴口罩令皮膚差咗，最慘係就連頭髮都開始有「初老」跡象呀！乾旱、無光澤，就算無燙染目測都睇到好差！點算好😖 唔講唔知，原來一向無記性又懶底嘅美編洗完頭成日唔用護髮素，加上踏入夏天個太陽咁猛曬住把頭髮，原來係會傷過燙染！於是即刻試用日本女生瘋傳熱捧嘅PANTENE Miracles「髮の神仙水」系列，好多人用完都話頭髮柔順又強韌咗，識得修護頭髮嘅「膠原蛋白」，唔怪得喺日本樂天洗護產品係銷售No.1啦！

日本超人氣「髮の神仙水」洗+護頭髮靚返晒！

PANTENE 15年來獨家深入研究，引入強效技術同成分，幫助秀髮由每日兩個Steps一洗一護，幫助修補頭髮嘅「膠原蛋白」，達到強健髮根、由根源改善髮質嘅功效！

其實頭髮同皮膚一樣，都會喺25歲開始變差，因為呢個時候頭髮嘅「膠原蛋白」，亦即係角蛋白，會特別容易受到損傷流失，容易乾旱枯黃、脆弱易斷。而PANTENE針對呢個問題，「髮の神仙水」洗頭水同護髮素用咗3層超導滲透科技，內含Liposhot超微滲透因子，滲透力超強！每日洗護髮可以強化蛋白連接，令頭髮更強韌無咁易斷；加埋保濕護膚品都好常見嘅Pro-V維他命原B5，幫角蛋白鎖水，增加頭髮水潤度；再結合氨基酸抗氧成分，頭髮嘅防禦能力大大提升，減底頭髮受損或者斷裂嘅機會。一次過改善頭髮強韌度、水潤度、防禦度，所以「神仙水」嘅美譽當之無愧！

Liposhot超微滲透因子同Pro-V維他命原B5，幫助頭髮補水、增加強韌度。

唔只補水髮膜咁簡單！首創弧度記憶概念記住最美髮型

用完洗護系列，黎到Step 3，就一定要用埋呢支Pantene首創嘅「髮型記憶髮膜」，同一般沖洗護髮產品最唔同嘅地方，係除咗修護成份入面都有Pantene 用15年研發嘅Liposhot 超微滲透因子，可以強效補水滋養髮絲，修護髮絲外，佢仲首創「弧度記憶」概念，啫喱入面有弧度記憶因子，可以有效黏合打開的毛鱗片，幫髮絲鎖住水份，有Sis用完後表示，第二日起床後髮型同前一晚剛剛吹好嘅一樣柔順，毛躁仲少咗好多！
髮型記憶髮膜一按就有「修護乳液＋記憶啫喱」黃金比例，內層係修護乳液，外層透明嘅係記憶啫喱。質感好易吸收，可令頭髮亮澤得嚟唔油膩，可以幫頭髮鎖水兼修護，令頭髮唔只係一瞬間有光澤，而且可以令髮型Keep住，保持髮絲嘅完美弧度！