陳煒結婚｜與醫生男友陳國強再婚 誓與老公婚姻50年不變 自爆只放假一天

陳煒與醫生男友陳國強本月底結婚！曾與前夫失婚後一度要看精神科

48歲的陳煒，96年成為亞洲小姐冠軍入行，08年嫁給細3年的台灣商人顏志行，不過這段婚姻只維持了4年。煒哥由台北返港加盟無綫。2018年時煒哥更分享過第一任老公因為生意而忽略自己，前夫提出離婚時更因為不能接受而尋找精神科協助。走出困境並加入無綫後亦迎來第二春，本月底將會與醫生男友陳國強拉埋天窗。

不過她大爆自己最近因為忙著怕電影《無間一戰》，又要籌備婚禮，婚紗都未預備好，仍然未有得試。期間更無預警下拍完爆炸場面，令不少人擔心她婚禮前會受傷：「場戲講我開車門時突然爆炸，成個人向後飛，地下得一張塌塌米，我助手好擔心，不停叫我小心，擔心我喺婚禮前受傷。」實在令人佩服。

陳煒今年4月父因病離世 仍頂硬上拍劇

煒哥父親於今年4月因病離世，當時煒哥正忙於拍攝劇集《回歸》，不過她絲毫未有因而影響表現，獲台前幕後大讚專業。煒哥受訪時坦言由於父親離世時年事已高，故要接受事實不算太難，反而最難過的是自己心中的關口：「我覺得自己好少時間陪伴喺佢身邊，係過唔到自己嗰一關。」煒哥坦言父親雖然沒有說出口，但她清楚感受到對方以自己為榮：「我知道佢成日攞我啲相畀佢啲朋友睇，會好開心聽到人哋讚美我。」

陳煒憶亡父多次哽咽

煒哥透露其實由踏入十八歲開始，陳父每年都會為她拿取「香港小姐」報名表格，可是煒哥因為害羞未有理會：「著住泳衣行嚟行去咩，唔得㗎嘛！」問到有沒有承諾過父親要做出成績？煒哥即哽咽說：「其實冇特別講呢啲，2018年我拎到『最受歡迎電視女角色』，同馬國明一齊夾份搞慶功，我都有請爹哋嚟……（開始淚崩並以紙巾拭淚）當時爹哋係好開心可以分享到我嘅喜悅。」訪問完畢後，煒哥再應無綫娛樂新聞台要求向亡父發表愛的宣言，內容感性。

陳煒感謝25年前被Ken哥喪鬧

說回當年選美入行，煒哥笑指當年因為化妝師朋友鼓勵她要多開眼界，才下定決心參選亞姐；雖然憑亞姐冠軍身份入行拍劇一開始就當女主角，但煒哥卻因此碰釘無數。煒哥指當年被Ken哥鄭則仕鬧得好甘：「因為佢要求好高，令我短時間內急速成長。25年前如果冇佢，我相信我今日成績應該冇咁好。因為Ken哥帶領，令我慢慢知道咩叫演戲。」醉心演戲的煒哥，坦言不介意加盟無綫後重新「由低做起」，即使需要性感演出都無所謂，她覺得最大挑戰反而是演霸氣角色：「同我本人性格落差太大，本身我把聲好柔弱，依家慢慢練到粗豪晒。因為要做有氣勢嘅角色，你必須用到丹田嚟講對白，好攰！尤其《宮心計 2深宮計》，攰到不得了。」

陳煒大讚陳展鵬好Man

煒哥今年先後有《雙生陌生人》、《回歸》及《黯夜》三部作品推出，她指三部之中，最難演繹而又最喜歡的是《黯夜》：「呢部戲份最重，同埋好開心可以同到展鵬合作，起碼十幾年冇同佢合作。我哋每一場戲拍之前都會傾一傾先，佢依家好成熟同好 Man。」