荃灣豬肉佬阿威首拍廣告！堅持唔除口罩保真面目 貌似AK吸「威威豬」應援

荃灣豬肉佬阿威首拍鞋履品牌廣告 成出道作？

荃灣豬肉佬阿威於荃灣「鮮味」豬肉檔工作6年，每天準時凌晨5點半便要回店準備，長時間站立都不忘與街坊分享煲湯心得，勤力工作態度及似AK外貌令佢近日爆紅；更獲鞋履品牌邀請合作拍攝一系列廣告硬照；阿威表示得到是次機會好開心：「好開心，全靠『威威豬』的支持！我相信用心去做就係專業，喺街市嘅行業都唔例外！所以我地會着晒整齊制服務客人，而家連工作鞋都有專業裝備加持添，更加可以專心服務客人。」

不過，阿威今次都係堅持戴口罩拍攝，仲未能夠在熒幕前睇到佢真身。

荃灣豬肉佬阿威疑似除口罩真身曝光！真面目仲似唔似AK？

「荃灣鮮肉AK應援團」FB群組至今有近2千人，有女士們分享朝聖打卡照，亦有網民貼出疑似他真樣，以及他過往受訪《東張西望》片段的截圖。不過據知真正的「荃灣街市AK」名叫阿威，而非流傳中接受訪問的「家麒」，所以該訪問片段似乎並非「荃灣街市AK」本尊。而另外有網民post出另一張自拍照疑似阿威本人，胸前及手臂紋身圖案相約，不過他本人並未有正面回應。

荃灣豬肉佬吸師奶求睇真面目！阿威名草有主

據知荃灣豬肉佬阿威今年36歲，為兩子之父，入行6年視豬肉切割員為終生職業。還未適應突然爆紅的他直言怕醜，因為他本身不太喜歡跟別人合照，這幾天試過一日超過30人跟他合照很不習慣。

全港街市型男合集 網民建議組男團「Super Market」

全港街市型男合集 網民建議組男團「Super Market」 有粉絲為店員在Facebook成立「荃灣鮮肉威威應援團」，如今群組人數已過一萬，而阿威都好識做，於母親節媽媽們送花，哄得客人笑逐顏開。

除了他之外，有不少街坊到其他街市尋「寶」，發現不少有明星相的店員，有網民建議可以組男團「Super Market」與MIRROR對撼：

街市型男1.「翻版Stanley」荃灣海鮮檔型男

陳庭欣近日在Instagram上載兩張楊屋道街市工作的圖片，指店員好有型：「據知情人士報料，除咗豬肉檔，有檔賣海鮮嘅都好『值得』去幫襯。過兩日我親自去fact check吓，唔知佢會唔會教我煲魚湯呢？跨區買餸，跨幾區買餸。可唔可以整個全港18區街市型男美女合集」

街市型男2.韓星牛池灣賣菜佬

近日一名網民於Facebook群組「黃大仙區友(黃大仙，新蒲崗，鑽石山，慈雲山……)」分享，指牛池灣街市菜檔的店員都幾靚仔，有對大眼，皮膚白，可以直接出道咁話，不過亦有人指他黑眼圈很深。其後他本人「 上水」，原來他叫做Kelvin嘉俊，他解釋：「日日都無得瞓呀……未放過假呀……又朝4點幾起身梳洗餵狗出門做嘢，又由朝忙到夜晚6／7點呀……」

街市型男3.「翻版羅鈞滿」天水圍豬肉佬

早前一度有網民將阿威與這位店員混淆，其實他是天水圍頌富街市的Steve家麒，他是散打港隊前代表，曾到內地集訓，奪得過銅牌，因為想有穩定收入而轉行，曾被TVB《東張西望》訪問過，被網民指似前TVB藝人羅鈞滿。

街市型男4.「翻版洪永城」大埔豬肉佬

有網民於Facebook群組「大埔為食友」指大埔富善街的「亨泰鮮肉店」店員阿亨都貌似洪永城：「要票選全香港十八區最靚仔嘅豬肉佬，我哋全大埔最新鮮嘅亨泰梗係要參與其中啦，不過大埔洪永城呢個朵好似唔夠照，亨泰嘅粉絲們諗唔諗到一個勁爆全城嘅新朵畀阿亨亨呢？大埔洪永城，大埔土生土長豬肉仔」

街市型男5.「翻版Tyson yoshi」屯門海鮮檔賣魚佬

有網民於Facebook群組「香港抗疫關注組」指屯門有位賣魚佬與Tyson yoshi有幾分相似，不過有人指跟周柏豪更為相似。