【女人心海底針】女人潛台詞其實唔難明！5大口是心非 WhatsApp emoji 逐個解
「女人心海底針」，好句好句。這是前人不斷中伏後給我們的警世名言，雖然老土，但前人給我們後世的教訓是不會錯的。女人咁易畀你估到就唔叫女人啦！女人話無所謂唔係真係無所謂，女人話無嬲就等於勁嬲呀！女人的語言中總是有一堆潛台詞，話中有話。有時男友收到女友WhatsApp回信當然開心豬啦，但如果你解讀錯誤，就隨時出事。今次選出5個驚嚇程度達致地獄級的emoji，相信一眾男士都試過會錯意，真是想起都「寒一寒，震一震！」不過不同女友有不同的表達方法，可能是好正常對你笑呢..(小編：帶定頭盔先)。
Text: Tsz、Homan | Edit: Christie Lau | Photo: 網上圖片 (原文刊自新Monday)
5大女友WhatsApp口是心非emoji
嚴重程度輕微：微笑眼emoji是警號？
未同女友拍拖時，這個微笑emoji可能真的是代表一個溫馨微笑，有時收到都幾warm。但當由曖昧對象進化成女友時，這個簡單微笑卻可以變成不同意思，到底微笑係真定假小編都分唔出，要小心留意WhatsApp對話前文後理多加小心。
嚴重程度初級：冇嘴emoji要小心
以下這個都是不可忽視的可怕emoji。初初收到好似無大事發生，雖表面安全，但暗藏殺機。好多時都會出現於：
男朋友：做咩事啊？
女朋友：無啊
之後…..就出現這個emoji
十居其九，都是女朋友可能有點不開心，或者想扭計想你哄她，總之這時候哄哄佢就ok了！
嚴重程度1級：微笑emoji 真是笑笑口？
佢好似永遠都望住你笑咁，好比蒙羅麗莎的微笑，笑到你個人心裡發寒！
通常whatsapp收到女朋友仔這個疑似「蒙羅麗莎的微笑」的emoji，男朋友仔即刻心驚膽跳，心想：天啊！我又做錯了！
以下對話內容，如有雷同，實屬巧合。
女朋友：你聽晚有乜做啊？
男朋友：同同事食飯 /同死黨去打機 /總之你約咗人
女朋友：
當你收到之後，你就會知道，你已中咗大伏。
嚴重程度2級：笑笑口emoji好比生化武器
接住下來，當你激嬲完女朋友之後，你已中咗第一大伏。當然，通常這個時候，女朋友仔都會繼續(扮)大方，希望一眾男朋友仔可以盡情去玩。通常，還會運用一個好慈祥 (假到喊)的笑容。令一眾男朋友仔收到之後可以「放心去馬繼續玩。」
潛台詞：你去啊！你就同我試下去，即管去！
嚴重程度3級：微笑加bye byeemoji連小編都怕怕 (最怕就係佢)
當你知已經出事，令女朋友生氣時，想盡方法補鑊，盡快哄她開心時，她永遠都好像識讀心一樣知道你下一步想怎樣。同時好體貼地表達冇生氣，我真是冇生氣。
(就算是老友，小編每次收到都出事)
OK~當你收到這個微笑笑到你心寒再加上bye bye的emoji，就證明已經是十分危險，相當生氣的地步。
通常女朋友生氣有三種層次：
如果她說「有少少嬲」：咁代表佢唔算好嬲，可能只係想你哄佢。
如果她說「好嬲」：咁即刻真係好嬲，好嗱嗱臨補鑊喇！
如果她說「無嬲，我無嬲喎~」： 咁證明佢真係超嬲喇
因為當女生說沒關係，就是有關係… 女生話無嬲，就是代表勁嬲
只能說你今次大件事了。Gameover!
