新一代潮語｜仲講「mm7」代表老了、O嘴＝時代遺物！

Sep 2 2022

「潮語」在不同的年代都有不同的共通語言，00後掘起，新興的潮語你又認識多少個？有人指，莫講話「Kai 子、O嘴」就連「mm7」都代表老了！究竟直指年輕一輩的潮語文化又進步到如何呢？讓我們一同看看！

7大最新潮語後生仔一睇就明

近日，有網民於連登討論區上發出了一則：「覺唔覺得宜家啲大學生講啲字好尷尬？」的帖文，講述到現時大學生常用的潮語「0尊、0識、Firm」等用語沒有內涵，扼殺文化，而且背後意義不明，表示：「聽到都作嘔」、「無文化嘅代表」等言論。結果引來大批網民同意，指「Firm到底係咩？我一直以為係Confirm個Firm」、「Firm係咪講緊啲肌肉Firm？」、「張中和又係邊個嚟？」、「詞彙貧乏先係問題，來來去去得嗰幾個字，變成口頭禪」。但原來這些潮語都大有來頭。

7個現今潮語原來起源至JFFT

以上所說的大學生潮語其實是出自YouTube channel ——JFFT，他們於直播中與觀眾互相溝通時會用剛才提及的用語，後來被觀眾使用演變成潮語。而網絡上亦有出現關於JFFT 用語的詞典，當中清楚說明了出處和使用方式，令到大眾更可明白到用詞的意思。

潮語一：Firm

Firm 是一個褒義詞，給人一個確實、肯定的感覺，是日常生活中最常用到的。例如：「你條片好firm喎」，意即「你條片好正喎！」

潮語二：「0 尊」、「0 Firm」、「0 興」

「0」被當作一個可以配不同的名詞，以0來表示「沒有」，「0尊」即代表零尊重；「0 Firm」即不確認；「0」興即沒有興趣。

潮語三：點部署？

「點部署」，顧名思義即是如何部署。通常用的語氣上會比較凝重，在尋求事情下一步的對策時可以用到。例如：「聽日要交功課，我仲未做完，點部署？」。

潮語四：不如

提出建議時可以用到，同時有一種邀請的意思。例如：「天氣好好，好想去行山，不如？」。

潮語五：張中

「張中」，全句是張中和，出自於普通話「尊重我」，但加了港式口音變成了諧音「張中和」。

潮語六：唔建議

顧名思義即是不建議，通常用作討論上，可以禮貌而直接地表達個人意見。例如對方問你「不如一齊食米線」，即會回答「唔建議食米線」。

潮語七：是

「是」即是的，通常會單字使用，同時給予對方一個肯定的感覺。例如：「你今日係咪返工」，即會回答：「是」，乾淨俐落。

7大最新潮語後生仔一睇就明　0識、firm原來另有意思大學潮語無文化最常被用到的字Firm，意思是正面的，給人一種肯定的感覺。 — JFFT的觀眾為他們常用到的字詞製作了JFFT 字典，方便大眾明白用詞語的使用方式。（圖片來源：Instagram@lblm_wayne截圖）

網民反駁：Kai子唔尷尬？

不少網民看到後反駁指：「Kai 子，屈機，O嘴嗰啲，其實再上一代人聽到都好尷尬」、「講文化你不如講文言文」來反駁樓主所指的潮語無文化、無內涵一事。又有網民感嘆其實時代已經變遷，「見到啲同輩90後變成以前佢哋口中嘅老人家咁真係好感概」、「學下接受新事物啦，唔係好快就變老，得閒講自己舊時點點點威指點班後生」、「到時你咪變咗我哋依代口中嘅老X忽，同唔到下一代溝通」。而大部份人都同意「個個年代都有潮語，而潮語是當代人的共同語言」。

7大最新潮語後生仔一睇就明　0識、firm原來另有意思大學潮語無文化潮語是一代表着一個時代，網民不理解其實因為時代變遷。 — 潮語代表着一個時代，網民不理解其實因為時代變遷。（圖片來源：Unsplash@Brett Jordan）

網民支持香港本地出產的潮語　「好過YYDS，DDDD嗰啲」

不少有聽過以上提及的字詞的網民都認為：「至少聽下都知點用」、「唔睇JFFT都識用」、「起碼係廣東話先」。同時又有網民指：「有個組女用火星文覆我，我都唔知佢講咩，要Google先知原來係拼音，心諗咩事，之後我都唔敢send message畀佢」，相比起中國的網絡用語YYDS(永遠的神)，DDDD(懂的都懂)，WBZD(我不知道)等簡化拼音，廣東話所出產的潮語更令人適應。