3歲兒仔被親戚故意捉弄留下陰影 港爸媽利誘仔去家庭聚會終出事 自責唔識教

撰文：Clara | 資料授權：「我的極品四大長老」| 圖片來源：SHUTTERSTOCK| 原文刊於：Sunday Kiss

兒子被親戚故意捉弄惹生氣

近日一名港媽在Facebook專頁「我的極品四大長老」投稿，講述兒子幾年前被親戚捉弄的童年陰影。事緣有次男家家庭聚會，港媽同老公一個沖奶，一個餵奶給細仔，三歲的大仔就同親戚玩。初時好正常，後來港媽聽到大仔發脾氣，才發現大B被親戚捉弄，無論大仔做甚麼事，親戚都指責他做錯。當時港媽與老公馬上拉開大仔並向他解釋：「乖，你無錯。佢地唔識我哋可以話返比佢哋聽，爸爸媽媽知道你係啱嘅。」

解決完一次，親戚又突然斥罵正在玩玩具的大仔，想見到他發脾氣，以此為樂：「你做乜咁蠢㗎，唔應該跟遊戲規則㗎，跟遊戲規則玩你就會輸，咁你咪好蠢囉！」大仔覺得親戚的說話沒有道理，卻又不懂反駁他們，很不開心。當時港媽與老公再次拉開大仔，而且花了很長時間與他聊天，希望幫他抒發情緒。奈何他的心靈受到很大創傷，情緒不穩：「以後都唔要再見到佢哋！」港媽與老公都決定以後不會再帶他參加家庭聚會，避開親戚。

兒子拒再出席家庭聚會 港媽承受長輩怨言

每逢過時過節，大仔都不肯出門口，很抗拒見到親戚。然後親戚開始向港媽問長問短，連長輩都有怨言，令她感到很大壓力：「作為媽媽嘅我，躺着也中槍。」她覺得一場親戚，大家總要見面，曾經嘗試哄大仔與親戚見一見，但依然不成功。她認為紅白二事都應該露一露面，不過大仔始終不願意見到親戚，就算見到都故意避開。

爸爸誘出門失敗 兒子崩潰

親戚開始愈逼愈緊，有次突然出現在港媽家樓下話，要求要見面。港媽老公決定出手，打算威逼利誘可以逼到大仔出門口。怎料大仔馬上情緒崩潰，歇斯底里地大喊大叫，追着爸爸打，喊到停不到。港媽見到這幕覺得很心痛：「唔想再逼小朋友，見到小朋友咁，個心真係好痛。雖然男家矛頭指向我，但係見到自己小朋友咁樣，有邊個阿媽忍心。」

港媽自責教得不好

事隔幾年，大仔始終有童年陰影，疫情期間即使毋須外出聚會，他連視像通話都不能接受。港媽指老公有時想逼迫大仔，逼不到就會發她脾氣，令她很難受。她指自己都知道生命有限，老人家見得一次得一次，很想讓大仔見一見人，但親戚不肯承認有捉弄過大仔，大仔心結一日未能解開，一日都解決不到問題。她很自責做得不夠好，勸極大仔都不成功，惟有繼續尊重大仔決定：「有時我都會問自己，係咪我邊度做得唔夠好，係咪我用錯咗方法，係咪真係我唔識教？」

網民提出四個建議

不少網民留言回覆港媽，表示自己感同身受，一樣憎恨親戚：「我細個成日被親戚蝦，例如好大力擰我塊面至紅或瘀，甚至突然用藤條狂打我同細佬，又試過狂鬧我，不過我父母一次都冇保護過我，覺得親戚上頭，唔可以話人，諗番起覺得好傷心。」很多網民支持她繼續企硬：「親戚只係當我哋小朋友係玩具，因為我哋還唔到手，所以佢哋行為根本極度惡劣和變態， 換轉佢哋自己仔女，佢哋唔會咁對待。如果你仔女好抗拒，真係無必要畀佢哋見面，又唔係欠咗佢。支持企硬，直頭同佢哋割蓆。」、「你唔企硬嘅話就乜都被人食住上，男家啲人同你非親非故，做醜人咪做醜人囉，有乜所謂。」

不過有網民指港媽一開始已經做錯第一步：「你同先生無即時同班親戚表示小朋友嘅唔開心，隔咁多年就真係好難搞。另一方面長輩根本唔知唔記得發生過咩事，而你哋都無畀長輩一個機會向小朋友道歉，從而令到小朋友嘅陰影累積得越黎嚟越大。」他們認為港媽大仔要學會面對親戚，否則習慣逃避，將來長大會變得很軟弱。網民建議港媽可以嘗試四個方法：第一，向小朋友解釋，指親戚們都很愛錫他，只是方法不一樣，希望他能給予親戚一次機會；第二，直接向親戚坦白，講大仔有童年陰影，提醒親戚不要再開他玩笑；第三，要求親戚向大仔道歉，讓他釋懷；第四，逐次增加親戚數量，讓大仔有足夠時間適應。