10大 妝品控 特徵 睇你中咗幾多樣?!

邊有女仔唔貪靚，只係在於程度不同而已，但講到扮靚買化妝品，其實唔少人都算係 妝品控 ! 你係屬於平貴都買，定係一買就要買成set？以下呢10種習慣，可以計吓你到底算唔算係 妝品控 ~

Text: Mabel |Photo source: Pinterest

一共有10種特徵，中一樣就得一分，答案最後揭曉～

01 第一手資訊

一日唔上網Check晒有咩扮靚最新資訊都唔安樂。

02 扮靚小天書

至少認識超過50個化妝品牌！

03 至抵精明眼

專門店、化妝專櫃定係pop up store幾時有優惠都難唔到你，邊到買咩會最抵亦係你強項！

04 精於搜尋

搵料唔會亂打亂撞，直接輸入品牌、產品名及類型，精準又快捷。

05 妝品多過衫

雖然成日都話無衫著，但化妝品一定買得頻密過衫褲鞋襪。

06 同類妝品過10件

無論係粉底液、眼影、唇膏、眼線筆定化妝掃，買吓買吓每樣都至少有10件或更多．．．

07 豪氣度Up

小資女用$200-$300食餐飯可能會肉赤，但一講到買化妝品就好捨得，飯可以食平啲但扮靚就唔可以太慳！

08 儲物情意結

對某類妝品或品牌情有獨鍾，愛儲特別版或唔同系列都要買齊。

09 色系相近

習慣買相近色系，人哋唔識分但自己好清楚每款的細微差別！

10 暗地講究

揀化妝品不單睇顏色，仲會睇包裝、質地，對妝感度有一定要求！

計好分未？

1-2分　愛美之人。

2-5分　不只愛美，對妝品都有一定的追求度。

6-8分　妝品小專家，對大部分妝品都有很高的熟悉度。

9-10分 絕對係忍唔到手的貪靚 妝品控 !

輕鬆睇吓玩吓之餘，透過小測驗多了解平時可能唔太留意的習慣亦無壞處，扮靚係緊要，但記得唔好失控，畢竟每款妝品都有限期，買太多或開咗用唔完就會變成浪費!

延伸閱讀：
▲　化妝控必學! 8類妝品收納法

▲　扮靚有限期！ 7類妝品的過期特徵

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

More Facebook :https://www.facebook.com/morehk.hk