「做3年譚仔姐姐就賺到首期」港男轟廢青先買唔起樓！ 網民4字神反駁
「做3年譚仔姐姐就賺到首期」港男轟廢青先買唔起樓！
原來譚仔姐姐每月人工隨時比你和我還要高！近日就有網民於討論區以「譚仔呀姐人工都$15,000，班癈青仲話買唔起樓」為題發帖文，指譚仔姐姐人工相當可觀，若果年青人肯入行，相信好想就買得起樓，立刻和大家看看詳細討論！
譚仔姐姐月薪高過全港一半打工仔？
根據招聘網站Jooble顯示，譚仔在招聘日中，就以每月薪金16,000至20,000元招聘「侍應／廚房助理／洗碗」，未計及新人獎金、勤工獎、醫療和交通津貼等，相信月薪要過20000元絕對不是難事，其月薪其實已比全港打工仔月入中位數，同時比製造、零售、物業管理、保安等行業還要高。
男女友都做譚仔 3年已比到首期
樓主笑指「廢青」聲稱自己上不到車全是因為不夠努力、又不肯儲錢。她更替網民計算：「假設男女友都做譚仔姐姐，已經月入$30,000 ，認真儲錢，一個月共儲$18,000一年已經儲到22萬，儲三年已經有66萬存款，夠畀首期買上車盤有凸」更指年青人只懂得怨天尤人：「反觀嗰班死廢青，冇能力，又唔努力，又唔儲錢，就喺度埋怨政府唔送層樓比佢哋，400萬至600萬樓睇唔上眼，1,000萬樓先睇得上眼， 就好似唔揸日本車，死都要揸法拉利」。
樓主繼續笑稱：「一年去四五次旅行，日日飲$40喜茶，間中的士出入，放工就去酒吧摸酒杯底，生日要送份一萬蚊禮物比自己，分分鐘連佢哋老細都冇咁大洗威水囉，巴閉囉，抵死你班死廢青，個垃圾政府又係無能，起咁多公屋比班新移民，多公屋=少私樓=私樓貴；多公屋=私樓業主要出錢補貼俾班公屋仔。」
網民：「66萬首期買到乜野樓？」
但不少心水清的網民似乎就不太同意樓主的說法，認為他的計算方法不是正常家庭可以負擔得到：「首先你要有條女！第二係你唔洗交租或租版間房或有供屋住！第三做衰仔唔俾家用！就頭三點就k.o你存唔到18000｣ 、「兩個人月使12000?！一定不用交家用或者租樓的」，「咁譚仔呀姐靠份工買到樓未呀 ？」
3萬蚊人工難過銀行貸款壓力測試？
有部分網民亦質疑，即使現時的年輕情侶肯做譚仔，但手持3萬元一個月的工資是難以過銀行貸款壓力測試：「你未計通脹同壓力測試，五年後收入會有幾多升幅？壓測過唔過到有無計過？兩人合共月儲18000唔係有問題，不過學你講用加法增長絕對追唔上未來通脹率，三年太拉車邊」。
