網民稱見同事獨自食自助餐 睇唔過眼！結果返公司搞大件事

撰文：KY｜圖片來源：Unsplash、香港討論區、TVB《愛回家之開心速遞》｜原文刊於：GOtrip

近日有網民在香港討論區發帖，稱自己巧遇同事食自助餐，本身想上前打招呼，卻突然發現對方竟然獨自一人，「張枱得一份餐具，而佢好專心咁一路玩電話一路食，當正全世界冇到」，猶如陷入無人之境。

事主表示自己及同行友人「冇諗過會真係會有人一個人食自助餐」，驚訝之際迅速用手機攝下畫面。後來更利用遙距軟件，將相片更換為公司電腦預設桌面，表示要「畀所有同事睇到你一個人食自助餐嘅醜態。」

內文又稱，事主得悉該同事已於最近遞信辭職，認為對方應該「好好反省下，你過到自己嗰關，唔等於過到其他人嗰關」，但未有交代對方離職是否與上述行為有直接關係。

事主貼文引起劇烈迴響，有網民評擊「一個人食你理得人咁多」、「香港邊條法例唔畀人一個人去食自助餐？」、「關你咩事，仲要影人相放上網做wallpaper，好彩身邊冇你依啲朋友」，似乎事主做法引起公憤，脫序行為難以服眾。

有網民亦話，「有時好似Happy Hour想自己一個坐下，飲杯野，放鬆下」，樂得清閒。就算巧遇朋友被嫌奇怪都不會理，皆因現今世代一個人出去飲飲食食實在好普遍。

有網民估計「佢可能想自己試下間餐廳食物質素，先再介紹約朋友一齊食，你做乜啫」，似乎認為對方身兼Blogger身分，亦有網民估事主應該內心深深暗戀這位同事，皆因「唔係點會偷影人相仲做埋 wallpaper ？係就開聲同人講啦」。

雖然不知道事主和同事本來有甚麼過節，但不少網友都直指「自己一個人食沒問題」。

貼文原文

資料來源：香港討論區