內地女怒呻西貢食海鮮被劏2萬 「1原因」反被嘲！店家委屈揭真相

內地女怒呻西貢食海鮮埋單2萬反被嘲！

有內地女生於小紅書發布了一段短片，片中記錄了他們在西貢全記海鮮菜館的消費經歷。他們一行11人，選擇了親自在店前的魚缸挑選新鮮海鮮，而非選擇店家提供的套餐，並品嚐了多達10款的海鮮和小菜，包括果皮蒸鮑魚$153、花雕蛋白蒸蟹$399、芝士加伊麵蟹$432、辣酒煮螺$273、大象拔蚌刺身$318等，同時叫了$4,500的中國酒、11杯椰青水$945，加上$1,982服務費，埋單總值$21,574，每人平均約$2,000。

事主見到帳單寫著$21,574，表示相當震驚：「說實話啊，我埋單的那一刻震驚了…嚇死我咯，變形金剛都俾我嚇到變晒形啊」！而當中樓主最不滿椰青水的收費，「椰青水飲（27份）成千蚊…喂老細，講真我有啲唔係好舒服，我想走先」。

網民分兩派激辯！

小紅書上引起了熱烈的討論，有些香港網民認為價格並不算高，但也有很多內地網民表示：「香港海鮮坑」、「超出想像空間」、「原來可以貴到咁」 。

不過香港網民就不認同事主說法，更指出店家收貴合理，「11人飲27杯椰青、酒、可樂、特飲再加上自帶酒4支（付開瓶費），非常之合理」、「咁多酒水，其實呢個價正常吖，唔知你發乜X嘢牢騷？」、「10幾個人食飯2萬蚊埋單，仲要喺西貢食海鮮飲酒，又好似好合理」、「二千蚊一個人 食海鮮有幾貴」、「喺餐廳學人開茅台然後叫貴，你11條友返去飲竹葉青啦」、「睇下你幾多人咯！個個價錢都正常喎！食唔起唔好話人貴啦！超出咗兩圍仲要食好嘢，你估特價餐咩，要平加抵食都難啦！又要帶埋嘢去開瓶費，唔係唔知有呢啲係咪呀？」。

餐廳負責人回應

全記海鮮菜館的負責人接受其他傳媒訪問，回應大呻不公平。她指出網民的討論忽略了很多細節和背景信息，她解釋指事主一行11人是包了VIP房，因此需要滿足最低消費及全單加一服務費的要求，而且VIP房的食物及飲品單價都會略為較高一點，以椰青水為例，平時單罐收費$28，但VIP房的收費則是$35 。負責人強調一切收費都是明碼實價，亦有向客人說明清楚。她委屈表示，網上言論經常以偏概全，客人為了點擊率而「抵毀自己享受過的食物」，她再次強調若要在西貢地區獨佔房間享受美食自然是不便宜，若要沒有低消就坐房根本做不到。