西九龍中心超多靈異怪事 香港都市傳說：過山車疑因鬧鬼停駛！師傅直認「好猛」每層都有唔同飄飄、多盲人按摩店有原因？
日本或外國都市傳說便聽得多，香港的都市傳說你又知多少呢？例如位於深水埗區西九龍中心便多次傳出靈異故事及鬧鬼傳聞，有超過20年歷史的西九龍中心頂層的「天龍過山車」本是有名的地標，然而卻在2003年在無預警下停駛，於是開始有人測猜是場內曾經發生意外，有人懷疑因鬧鬼停開，亦有人指出「天龍過山車」營運時頻頻有故障，加上商場曾發生跳樓命案，故流傳過山車曾有怪事發生。
西九龍中心超多靈異怪事 揭秘香港都市傳說！
西九龍中心於在1994年落成，場內設有香港首座室內過山車「天龍過山車」，小編細個都有見過人玩，每次過山車「轟隆轟隆」開出，都會聽到乘客興奮尖叫，連天王黎明、謝霆鋒及鄭秀文都坐過，絕對係紅極一時的娛樂設施。
不過「天龍過山車」自2003年便無預警下停駛，隨後惹來唔少揣測，網上有人流傳商場前身是駐港英軍的深水埗軍營，又指過山車曾發生乘客被拋出車的意外，導致過山車因鬧鬼而停開。事後商場曾解釋因美國曾經發生室內過山車意外，有高層評估安全後決定停駛過山車。另外商場表示過山車領齊機電牌，設備運作正常，表示政府亦會定期派人檢查，所以不涉及安全問題。
不過因西九龍中心自2009年開始，便相繼發生跳樓命案，網上亦流傳多個有關西九龍中心的靈異故事。早年有網民稱西九龍中心唔同樓層都有特別設計的原因，指四樓陰氣最重通鬼門，所以商場專登飛走4字樓，而六七樓經常有人聲稱見到紅衣女鬼流連，故導致當年無人敢開舖，只得睇唔見鬼的盲人開按摩店。
不過有人認為商場只是設施太舊加上有人跳樓，才以訛傳訛，流傳場內有靈異怪事發生。其實近年西九龍中心都曾經翻新，當中food court亦有不少平價抵食之選，假日人流亦暢旺。而且最近ERROR新歌《愛情值日生》MV亦特別於西九龍中心取景，當中的遊樂場、機舖、子彈升降機絕對是港人的回憶。
原文刊於：新假期
Tag
網絡熱話
撰文：新假期圖片來源：新傳媒照片庫、IG@dragoncentremall、連登討論區截圖，高登討論區截圖，《愛情值日生》MV截圖
