香港女生力數男人必戒7大幼稚陋習：「如果唔改幾靚仔都無用」
女性在談戀愛和結婚時，往往渴望得到男性的照顧和寵愛。對於成熟的男人而言，他們能夠給予女性一種安心和信任的感覺，讓她們感到可以依賴。然而，男性在思想上有時候會比較幼稚，其中便有網友指出「7大幼稚陋習」，更指要成為真正的男人必須要戒除！
香港女生力數男人必戒7大幼稚陋習！
男人必戒幼稚陋習︳1. 認叻，係威係勢
有港女就認為如果面對一啲好鍾意吹噓自己的男人係非常討厭，講到自己博學多才乜都識，人哋講咩都忍唔到口要糾正人，成日喺人面前認叻，講到自己係威係勢，其實咁樣人哋真係唔會覺得你好叻，相反只會俾人感覺好扮嘢，班門弄斧！
男人必戒幼稚陋習︳2. 只睇外表、身材
雖然鍾意靚女唔係罪，但如果太過著重外在條件，成日幻想自己另一半要好似模特兒、KOL一樣咁靚就大鑊！要成為一個成熟的男性就要明白靚係唔只睇外在，係要睇埋內在。
男人必戒幼稚陋習︳3. 活在當下唔諗將來
無論喺工作、財政、感情、家庭、個人方面都應該要有目標，如果只係活在當下，只諗自己唔諗將來，另一半會好無安全感，會覺得你玩玩吓，唔成熟。
男人必戒幼稚陋習︳4. 揸唔定主意
去到一定的年紀，開始出嚟社會工作，但個人仲係優柔寡斷，對所有嘢都無乜主見又揸唔定主意，意味著唔識得衡量事物輕重，做人無目標，遇到好多決策的事都會要求就手就算，根本有時連自己想要咩都唔知。
男人必戒幼稚陋習︳5.無主見容易受人影響
個人極度隨波逐流，無性格、無獨特性，遇到咩問題都問咗兄弟朋友先，唔諗吓自己到底想點，無自己見解。
男人必戒幼稚陋習︳6.唔識同人溝通
咩都收收埋埋唔講，對方又點會知你諗咩？唔識講自己感受，唔識同另一半溝通，更唔會諗點解決問題，最後只會分手收場。
男人必戒幼稚陋習︳7.無安全感又好勝
個人無自信，通常都會鍾意踩低其他人嚟抬高自己，喺人身上搵返自信，令自己感覺良好，而呢種人通常又好勝又無安全感，令到另一半乜都要就晒佢，聽晒佢話，真係壓力山大，拎得起放得低先係大丈夫！
圖片來源：《男朋友》、《黑暗榮耀》、阿旺新傳、《怪物》Meme 梗圖倉庫《擺渡人》、《Barbie芭比》、
