一秒智能叛變N個女神！爆笑． 變臉 ．美顏app 　

Text ｜Candy Choy

由Snapchat帶頭玩face swap開始，勁多人瘋狂迷上 變臉 ，一時同朋友換面，一時同變卡通人物，拍晒片、影相，先發現原來人人都係「戲子」，隨時隨地七情上面，好似黎明咁又用MSQRD變「明蝠俠」，其後又有韓國影相app SNOW加入戰團，玩埋《太陽的後裔》「團結軍look」，造型抵死，搞到掀起一股 變臉 潮。近日update 咗LINE Camera 嘅朋友，應該會發現佢都多咗變臉功能，好多cute樣、搞笑樣，仲可以好似Snapchat咁拍埋片，唔只咁，LINE仲再下一城，新出多個叫做”Egg”嘅app專玩 變臉 ，兩邊變唔同嘅樣，仲可以同時變幾個同樣嘅人，人人隨時倒模變女神！即check有咩咁好玩！

一秒變臉！Egg 美顏變臉王

其實Egg同黎明玩開嘅MSQRD類似，都係玩cosplay影相拍片，但Egg嘅 變臉 畫面比MSQRD靚，而且 3D 臉部偵測技術亦更快，只需要一秒就可以detect到個樣，仲可以幾個friend 扮同一個角色，唔駛爭！最吸引係變其他卡通造型都有美顏功效，效果又自然，拍片唔駛驚殘樣現身！

女神香香「示範」

先用女神岑麗香嘅selfie 用作臉部偵測。

拼落小編塊面，雖然面型唔同，都對眼有啲香香嘅神髓，不過建議大家搵相盡可能搵個樣清楚又係正面嘅相，效果就會完美啲！

可以拼幾多個樣都得，仲可以幫「佢哋」加唔同造型，夠百變！

幾十種效果，由可愛、搞笑，到將面型變到玩緊哈哈鏡咁，眼耳口鼻變大變細乜都得！
Egg VSMSQRD

Egg 嘅角色都有蝙蝠俠，但背景就玩Batman VS Superman，落晒雨扮蝙蝠俠，有番自己對眼，仲有標記「皺眉」樣更加像真！

化妝都慳！素顏影零難度

美顏Makeup Plus 新加Pony妝

Makeup Plus 其實都出咗好一段時間，佢最吸引就係可以幫你自動化妝，真係素顏都唔驚，隨時幫你補返好個妝，會分程度，由淡至澴都有，仲周不時一有新劇就會有新妝，好似依家TVB播緊嘅《瑯琊榜》都有，不過要數最人氣必數近期新增嘅人氣美容達人Pony嘅filter，其中有個紋身妝filter好多韓國人玩，就連韓國藝人都忍唔住玩！

就睇吓Pony嘅filter究竟有咩魅力！

再搵香香示範

其實呢個app唔只係扮靚，都有搞笑作用，好似下面嘅反眼，真係超抵死，佢仲有好多款「妝」，有排你玩！