熱爆日本指甲貼紙機 400円10分鐘即印即貼

Jun 16 2016

世界初！！Nail Sticker Printer
即印即貼日日新款冇難度

成日都話「世上冇醜既女人，只有懶既女人」，但七七子就覺得而家日新月異，懶人都有得靚，以新推出的Nail Printer－指甲貼紙機為例，由揀選到印刷，全程約10分鐘就有靚靚新甲貼，仲要一撕即可轉新甲，懶D唔去Salon修甲都日日靚住出街！

Text : Kingyo

日本初登場的Nail Printer進駐各機場，想知附近邊度有，可於官網依地區查看。

呢部由著名遊戲機品牌SEGA的Nail Printer，去年年底推出市面，以「世界初」（世界上第一部指甲貼紙機）之旗號打入各大打機場所及貼紙機聖地，因獲得多間媒體採訪介紹，瞬間爆紅全日本。睇過各大網上評價，發現Nail Printer深受歡迎有5大原因。

第一，係款式夠多，現時機內設有多達352款常則圖案，色系眾多次餘，不同主題、圖案及公仔任君選擇，無論你森女風定109辣妹，都會覺得花多眼亂！唔想到時浪費時間左揀右揀？可以於官網CHECK定新款同熱門，去到一印就得。

數百款指甲貼，要一版一版睇晒好浪費時間，看看右手圓點，可先算顏色或圖案以範圍收窄。

第二，Nail Printer每個月都會推出限定款式，6月就推出了迪士尼Alice in the Wonderland主題及雨季繡球花系列，貼近潮流，打動少女心。

6月限定迪尼Alice in the Wonderland系列，一共5款，每套JPY500, 貼住去東京迪士尼，必定引來羨慕目光！

第三，Nail Printer操作簡，指示清晰，只要跟住畫面一步一步選擇，不消10分鐘便印刷出心水圖案。

Nail Printer_04 — 印刷時間約1分鐘，右下為REPRINT，如想加印俾朋友一齊用，只需JPY300。

第四，是度身訂造的程式設計，於點選款式後，還可以加入可愛圖案，如心形、眼鏡、鬍鬚及英文字母等設計，增加個人風格，亦可依個人手指形狀及指甲大細，挑選最接近的指甲貼，讓貼紙更為貼服自然。最後，如果你覺得352款加限定版都唔能夠滿足你，可下載Nail Printer手機程式，利用程式製造獨一無二既指甲圖案，自家設計不但可以用盡設定圖案，仲可以載入手機照片，寵物、朋友、風景等全部逃唔出你十指山，隨時隨地盡情show off。睇埋網上甲貼教學，30分鐘內整鬆貼甲，日日轉新款都冇問題！加上普通款式JPY400，限定版為JPY500的大眾價錢，哎呀，數數下又唔止5個原因添，哈哈，下次去日本不妨試試。

七七子都忍唔住用手機程式設計了個人指甲圖案，仲有得假扮放上手預覽，唔錯唔錯，高貴大方。

Sega Nail Printer ネールプリ
網址：http://nailpuri.sega.jp/index.html

看過YouTube教學，自己亦可整鬆貼上新圖案。

七七子簡單解說：

1 首先磨平指甲上不平表面，再以濕紙巾抹去甲面油份，平滑甲面有助貼紙更緊貼。之後可輕輕將指甲上的手皮推開磨走。
2 準備好後拿出指甲貼，揀選那一張貼到那一隻指甲上。撕出貼紙，由底部開始於指甲正中間邊位開始貼著，到指甲頭時悄用力將貼紙向下拉，再輕輕出力令貼紙緊貼左右邊。
3 其後用指甲銼朝手指內下方輕輕磨去多餘貼紙，再以暖風吹著指甲再按壓增加緊貼度。
4 最後塗上水性透明甲油Top，這樣指甲便可維持2-3日，日本接觸水份，如洗澡、洗碗亦沒有問題。（油性邊明甲油Top會令顏色脫落，要小心）
5 撕去時，只需於指甲底部邊緣開始慢慢撕出便可，記得之後要塗潤手液滋潤一下。