Text ｜Candy Choy
Photo Source ｜usefultipsforhome.com
漱口 水唔係用嚟 漱口 咋咩？係，我知有時喉嚨痛用佢都可以殺菌、紓緩痛楚，但除咗咁，仲可以有咩用處呢？唔講唔知，原來你用咗好耐嘅李施德霖 (Listerine)，早喺1879年已經誕生，仲要係用嚟做手術消毒，直到1970年先開始當係漱口 水出售。但如果只係當佢係漱口 水真係好浪費，因為佢仲有十樣你睇完都會目瞪口呆嘅功能！雖然你會好懷疑佢得唔得，但手術都用得，相信佢有佢嘅功用嘅，試吓無妨！
1. 除汗臭
用棉花球沾 漱口 水 ，立即可以除汗臭。
2.浸腳
每日浸半個鐘可以除腳臭，如果你唔放心，可以加啲白醋稀釋佢再用。
3.清潔廁所
倒 漱口 水喺廁刷上，或者直接倒入馬桶，可以殺菌除臭。
4.消毒傷口
擦親有傷口，可以用 漱口 水洗傷口，幫助消毒。
5. 去頭皮
將 漱口 水塗喺頭髮、頭皮上，再用毛巾起，可以去頭皮屑。
6. 幫狗狗清潔
想幫狗狗除蚤，可以噴 漱口 水喺佢哋身上，效果比除蚤劑更好。
7.治粉刺
如果你生粉刺而又冇急救嘅護膚品，可以用 漱口 水清潔生粉刺部份。
8.消毒牙刷
牙刷多菌，用佢可以消毒殺菌，自然唔易生痱滋。
9. 清潔電腦Mon
可以清理指紋同污漬，令贓物唔易沾染。
10. 除異味
倒 漱口 水喺紙巾，在放入想除臭嘅地方，例如垃圾筒，可以令空氣更清新。
