女性10大扣分行為！最黑人憎一定係呢樣？
女性要維持形象並非易事，某些行為男性做就沒有問題，但女性做就被扣分。每個人心中都有一把尺，而大家對於一些行為都會感到反感。近日，就有連登仔開post，以「女仔有咩行為係會嚴重扣分？」為題，齊來討論有咩問題係會扣分！
連登仔嚴選10大港女扣分行為 最黑人憎一定係呢樣！
1.吸煙
吸煙對健康有害相信大家都知。而女性吸煙的話，基本上係被評為最扣分。網民更指，就算係有身材同靚女都好，有吸煙習慣的話立即興趣減半。
2.太過爛口
雖然講粗口係人之常情，每個人都會有幾句粗口旁身。不過，如果女仔每一句都有粗言穢語而且太過爛口的話，反而會令男性反感。
3.性格太麻甩
有些港女的性格都會十分豪爽以及麻甩，相處起上嚟都有一啲太過「男人」。雖然相處係十分舒服，但如果要論拍拖的話，就可能比較麻煩。不過，呢一點都各花入各眼的。
4.性冷感
同得另一半一齊就預咗會有幸福美滿的性生活，不過，如果對方對於呢一方面太過無感的話，的確是會大打折扣。網民對此都直言：「唔食得，幾靚都冇用」。
5.被逼害型自戀
連登仔指，某些女性有「被逼害型自戀」，很多時候出到街會覺得受歡迎而被周圍的人望，而且當有男性與其接觸時，只要講多幾句就認為對方對自己有意思等等。有網民回應指：「好似有七成港女都有呢啲妄想症」。
6.做Gym練到變「肌肉女」
做Gym變成了近年的熱門運動項目，唔少男女老少都會去Gym Room「操吓嘢」，有些女性則是為了有更好的線條，著衫更靚。但有些女性就會朝著「肌肉女」形象出發，連登仔直呼接受唔到「做尖（Gym）練到男人咁全身一嚿嚿」。
7.講嘢大聲
睇過《功夫》就知女性嘅「獅吼功」可以有幾強，連登仔就指出，某些女性就算不是在發脾氣時，講嘢都特別大聲，會給人有一種沒有禮貌的感覺。
8.八字腳行路
每個人行路習慣都不同，有些女性會到外八字咁款，而該姿勢會亦令到連登仔反感。
9.體臭及口臭
作為一個女性，有體臭及口臭都是一件十分大忌之事，所以最好都記得刷牙以及沖涼啦！
10.不愛乾淨
「幾日唔沖涼」可能會太過誇張，不過一個乾乾淨淨的女性的確會在男性心目中加分。
