已婚同事自爆為避派利是「請假請到年初七」憑1招連親朋戚友都慳埋！網民反應兩極 狠批「又Cheap又老土」

已婚男同事自爆請假避派利是 一招連親朋戚友都慳埋！

為了不派利是你可以去到幾盡？近日有網民於香港討論區發帖文，並以「已婚同事話唔想派利是畀我哋」為題，分享公司同事為了不派利是而出盡招數，令他大感驚訝！不過亦有網民表示樓主同事有自由選擇派不派，更加欣賞同事會誠實答背後原因值得尊重！

已婚男同事自爆招數

樓主指出，該已婚男同事早在12尾時已申請年初四要放假，當大家都以為該同事只是貪有得放連假而請假，不過在閒聊時，已婚男同竟自爆是因為老婆落Order不想他回公司派利是：「點知佢話唔係純粹因為佢老婆唔想派利是畀未結婚同事，所以叫佢攞假，到星期一返工嗰陣都已經初七就已經唔使再派利是」。

連親朋戚友都可以慳？

樓主聽到已婚男同事的如實作答感到十分尷尬，直言：「其實大家都冇預佢會派利是畀同事，話晒男同事又唔係上司，大家咁高咁大派唔派都冇所謂啦，但係佢老婆咁樣唔想派就核突咗囉」隨後樓主再追問過往工作遇上新年的情況，已婚男同事竟二度自爆：「之前冇疫情就會去旅行，連親戚朋友啲利是都可以慳返」果然為了不派利是可以去到咁盡！

網民反應兩極 批「唔識做人」

帖文一出後即引起網民熱論，不少人覺得該男同事行為「肉酸」，給人感覺非常小家：「咁老土都得」、「做人做到咁，真係冇乜意思！」、「唔識做人」、「派都派$20姐， 咁小家」、「其實唔派都無所謂啦！講埋出嚟好似肉酸咗」。

也有網民大讚對方「老實人」

不過亦有網民表示欣賞該男同事夠誠實，而且贊同每個人都有選擇派不派利是的權利：「你同事好老實」、「冇問題！各有原因！」、「同事又唔係一定要派」、「成日唔想派利是嘅人真係好討厭，但係成日想lam人封利是嘅人更加討厭..」、「派唔派都係心意，講真大家都係同事都唔好意思收佢個封」