旅行靠佢哋 衫褲可以keep住光鮮
Text ｜Candy Choy
去旅行前，成日都冇時間執喼，啲衫都係求其摺，好多時同自己講，「唔驚，酒店有熨斗嘛。」，但有幾多個人會真係想起身熨衫先？以下呢樣嘢，唔只噴幾吓就可以將 皺 咗嘅衫褲即時變返又直又冇 皺 痕，仲有其他功效，去旅行帶咗佢，就唔驚有靚衫都冇得着啦！
一噴皺痕、臭味bye bye ！衣物防皺噴霧
市面上其實有好多衣物防 皺 噴霧，當中有源自日本、美國等地方，大致上功能都係一樣，只要喺 皺 痕上噴幾噴，之後用手撫平，等佢十分鐘乾咗之後就可以有返件零 皺 痕嘅衫褲喇！佢仲有個好處係，噴過嘅地方，之後仲冇咁易再皺添！仲有個好處係防臭、殺菌，件衫着多日都冇問題！真係懶人必備呀！唔只網上有得賣，其實一般日本生活百貨、Log-On、屈臣氏、萬寧等都有得賣，仲要只係幾十蚊一支，真係方便又抵用！
仲有支美國出嘅Grandma’s Secret 防 皺 噴霧，都係出名好用。$48人民幣 (淘寶)
唔知點用？呢個廣告教你幾個步驟就搞掂，好似跳健康舞咁易，即刻跟住試試！
有香味，真係好似洗咗衫咁？
市面上仲有唔同香味巳防 皺 噴霧，唔只可以防皺、除菌，仲有香味，兼且仲可以令衣物變柔順，去咗啲會染到濃味嘅地方好似韓燒、打邊爐嘅食店就可以大派用場啦！
