一響即收線！由偏遠地區打出 提防新型電話騙案
電話騙案嘅發生唔係第一日嘅事啦，但騙徒手法真係層出不窮，每次都依然有人中招！今次嘅新型電話騙案又令到唔少人中伏，大家見到不明來歷嘅電話千萬不要接聽，要不然不知不覺就會被收取高額嘅電話費，因此要提高警覺，唔好成為受害者呀！
撰文：Athena、Cherry@Central｜圖片來源：3HK、CMHK、香港警務處
切勿回撥！新型電話騙案：「一響即收線」（又名Wangiri）
近期嘅電話騙案由不同嘅區號打出，例如烏干達（+256）、那魯（+674）、東加（+676）、薩摩亞（+685）、瓦努阿圖（+678）等。這些電話通常一響即收線，如果唔小心回撥的話，就有機會要收取昂貴嘅電話費，騙徒就因此獲利！
香港電訊商3HK及CMHK提醒大家勿中招
電訊商3HK及CMHK都有喺Facebook出Post提醒大家唔好收聽海外的來電，兩間電訊商都十分關注這次事件。他們呼籲市民唔好隨意透露個人資料，唔好收聽不明來電，免招損失。
受騙個案要尋求警方協助
如果大家真係懷疑自己受騙，或者對電話騙案有任何疑問，唔好猶豫，即刻致電「防騙易」熱線18222，搵警方求助啦。
