「溝女語錄大全」票選30句尷尬情話　網民：只要你靚仔講咩都受

網民票選30句尷尬情話

30. 我有兩個心願。喺你身邊同你喺身邊。
29.不要讓我看見你，不然見一次喜歡一次。
28. 我變咗心，今日變得比尋日更鍾意你。
27. 世界上最好嘅門係咩門？「缺一門？星門？」我們。
26. 你好完美，但都有個缺點。「缺點係咩？」我。
25. 我最近鍾意咗個人。「邊個？」你lock手機就知。
24.你近視好似深咗。如果唔係點會睇唔出我好鍾意你。
23. 跟你玩捉迷藏我一定會輸，因為喜歡一個人藏也藏不住。
22.你怕唔怕麻煩？「唔怕。」咁麻煩你可唔可以同我一齊？
21. 希望你快啲學識游水，因為我只想跟你未來浸在愛河。

20.留意到你又肥咗。因為你瘦嘅時候入咗嚟我心入面，而家肥到kick住咗，出唔返去。
19. 自從遇見你，我至發覺，人生苦短，甜長。
18. 你係唔係又肥咗？「你講咩呀你？」唔係點解你喺我心入面嘅分量越嚟越重？
17. 我們玩123木頭人吧。1,2,3 我輸了。我心動了。
16. 我缺少樣生活必需品。缺少咗你。
15.好多人話你塊面好大好圓，但我覺得幾方喎，如果唔係點會睇落咁正？
14. 情人眼裏出什麼？「西施？」不，係出現你。
13. 我訂的東西到現在還未來。我訂了我們的未來。
12.鍾意你嘅人好多，唔爭我一個。但我愛嘅人好少，只得你一個。

11. 知唔知我同唐三藏有咩分別？佢取經，我娶你。
10. 最近有謠言說我喜歡你，我要澄清一下，這個不是謠言。
9. 你的快遞到了。「什麼快遞 ？」我的一箱情願。
8. 人嘅心臟係喺左邊。但我比較特別，我喺你嗰邊。
7. 我係九你係三。除咗你都係你。
6. 知唔知而家幾點？而家係我哋幸福嘅起點。
5.除了戀愛 我跟你沒什麼好談的。
4. 你塊臉有啲嘢。有啲靚。
3. 見到你之後我想成為一種人。你嘅人。
2. 我想喺你度買撻地。你嘅死心塌地。
1. 我最近有點忙「忙什麼？」忙著喜歡你。

網民表示尷尬至世界盡頭

大批網民也表示，看完30句情話都尷尬至極「睇到打冷震」，更稱若真心向對方說出這些情話是「憑實力單身」。他們認為，追女仔最重要是誠意及心意，只要做自己不偽裝，終有一日會找到理想的另一半。

網民道出事實：樣子如何結果如何

不少網民也覺得，以上情話也很土很尷尬，但亦有網民認為，若果對方是高富帥女生必定受落「窮矮毒講咩都尷尬啦，高富帥就……」。另外，若本身雙方有好感，說甚麼都受落，相反，不太熟悉的人說就非常尷尬「本身對個男仔有好感就受姐，如果係朋友就覺得你冇聊，如果唔係好熟就係變態佬」、「呢啲野都係睇條女本身鐘唔鐘意你架姐，鐘意嘅就更尷尬嘅說話條女都覺得正」、「尷唔尷尬視乎條仔個樣」。