微辣加蔥曾激動澄清無逼阿晶「落仔」開直播反擊：開頭我係話生出嚟

Jan 17 2022

微辣加蔥前經理人兼女友阿晶日前（26日）離世，生前曾於IG發長文揭露自己曾遭受恐嚇和患抑鬱症，指自己從不要小朋友之後開始就被抑鬱症纏上。阿晶曾於與加蔥分手後在IG開直播，踢爆加蔥強迫自己「落仔」的內幕，之後加蔥同日即在YouTube直播激動澄清：「開頭我係話生出嚟！」二人各執一詞引起網民熱議。

阿晶預訂發布千字文似足遺書

前微辣經理人阿晶（Jane）日前（25）於社交平台連續發布黑白Story，長文揭露自己曾遭受恐嚇及患上抑鬱症，又貼出安眠藥的照片，自言已食了兩排安眠藥疑輕生。7月26日下午，阿晶再發千字文，完整解釋事件經過，但原來這篇文章，是在預訂3小時後發布，部份內容提及「不用搶救」、「財產」、「靈堂」等，似足遺書！

阿晶在文中提及終止懷孕一事後患上抑鬱症：「從不要小朋友之後開始，我就被這個病纏上。被威脅被人解決的我得到了社恐，可是很幸運的，這2年都是做直播主，對住電話就可以了，不用對人。因為疾病每天產生的胃痛感、胃抽筋基本上每一個月都要到醫院吊針，病痛好像要把我給我殺死了一樣。在初期知道有病時我哭著救身邊的人不要走能不能抱著我，我快要暈過去了，他只是冷冷丟下一句『你很恐怖，有病就吃藥，別像個瘋子一樣』」

阿晶曾踢爆被微辣加蔥逼「落仔」

微辣藝人加蔥（林茂發）與前經理人兼前女友阿晶在2021年初正式宣布分手，雖然阿晶當時已正式離開微辣，但二人分手後卻惹起連串風波。之後阿晶突然在IG開直播，踢爆加蔥強迫自己「落仔」的內幕，更在直播中致電加蔥要求對質，但男方並沒有回覆。

微辣加蔥微辣加蔥直播澄清沒逼前女友阿晶墮胎 — 阿晶曾在IG開直播，踢爆加蔥曾強迫自己「落仔」的內幕。（圖片來源：IG@laochengin）

微辣加蔥阿晶更在直播中致電加蔥要求互相對質，但男方並沒有回覆。 — 阿晶更在直播中致電加蔥要求互相對質，但男方並沒有回覆。（圖片來源：IG@laochengin）

加蔥：開頭我係話生出嚟

但加蔥同日即在YouTube開直播回應阿晶的指控：「首先我從來冇講過冇BB呢樣嘢，所有決定都係我哋嘅決定或者佢嘅決定，就係咁簡單。我係冇逼過佢做任何嘢，我係有晒record，全部有紀錄。當我一開頭知道有小朋友嘅時候，我係話生出嚟嘅，我唔介意生出嚟，養囉。咁佢開頭都話唔得嘅，佢唔想要，我仲同佢講『我身邊啲朋友都係咁樣，咪照返工囉』，咁佢就話『唔要呀，生嗰個又唔係你，點解要承受啲咁嘅嘢』。後尾一段日子後，大家有傾過好多嘢，我都覺得唔係好適合，我唔適合，大家都唔適合，佢有再問我要唔要嘅，我真係講過我唔想要嘅，但我尊重你決定，咁最後佢都決定唔要，係大家嘅責任，肯定唔係我逼佢先囉，我冇逼過佢。呢個係事實，我真係未ready，大家都未ready老實講。」而阿晶亦有在直播中以文字多次留言：「喂，係咪對質」、「你陪我去醫院係咪發過脾氣？」

微辣加蔥加蔥在直播中展示與阿晶的對話內容，以表清白。 — 加蔥在直播中展示與阿晶的對話內容，以表清白。（圖片來源：YouTube@Nathan Lam加蔥）

微辣加蔥微辣加蔥澄清沒逼前女友阿晶墮胎激動直播： — 加蔥表示開頭是阿晶唔想要小朋友。（圖片來源：YouTube@Nathan Lam加蔥）

加蔥直認冇陪阿晶做墮胎手術

加蔥直認自己處理得確實不夠好，連阿晶進行墮胎手術時，自己亦沒有陪伴對方：「甚至佢做手術時我都唔喺澳門，我就去咗香港做嘢，咁其實我係冇能力逼佢，我個人都唔係度。唔要小朋友呢個大家都唔啱，大家都有責任，做手術呢個我真係仆街嚟嘅，因為好早接咗job去香港，係做得好差。其實分開咗我同佢一路關係都幾好，但係佢不斷同人講我迫佢唔要個小朋友，有人同我講番佢後面做咗好多嘢，我唔係好想同佢直接對話，可以畀大家睇，其實我冇理佢好耐，其中一個導火線，有人見到我同個女仔睇戲，佢就叫人DM我問，嗰陣時我就好反感，都分開咗喇，我同邊個睇戲同你冇乜關係，我純粹想講番同佢一齊冇做任何一腳踏兩船嘅嘢。」