張頴康太太麥雅緻碩士畢業晒一家五口溫馨照！家住豪華三層獨立屋：擁千呎花園似足兒童水上樂園、超大廚房夠坐10人

張頴康太太麥雅緻碩士畢業 一家五口住三層獨立屋擁千呎花園！

雖然麥雅緻16年因為《 東張西望 》大執位失去穩定主持工作，不過她性格樂觀又知足常樂，老公張頴康勤力拍劇搵家用，麥雅緻亦都身兼多職轉型成為多元藝人，更為兒女重返校園修讀教育大學兒童及家庭教育文學碩士。

近日她就於社交平台上分享自己碩士畢業的照片，只見她身穿畢業袍，而老公張頴康則手抱細仔小蛋黃，大女和二仔分別站在兩人的前方，一家五口同樣笑容燦爛，幸福之姿令人稱羡。

麥雅緻更寫道：「歷遍春風秋雨，我終於都畢業喇！從2019年9月開課至今，真的好像經歷了一個世紀，當中的人，事，世界都改變了很多，慶幸一直有身邊的人支持，能完成「兒童與家庭教育碩士」學位，相信在天上的爸爸也能看到！」

張頴康麥雅緻溫馨三層大屋內部裝潢曝光

其實在讀期間，麥雅緻都經歷了不少大小事，包括上年宣佈懷有第三胎，更於同年9月順利誕下細仔Maka（小蛋黃），為一家四口再添新成員。

三層大屋內部裝潢曝光

張頴康和太太麥雅緻結婚十二年一條心，就連facebook社交帳戶都是孖住一起的，二人於上年公布即將有小生命誕生，張頴康留言：「我老婆成日都話，睇住小豆小花生BB嗰陣嘅相，就好掛住佢哋BB嘅時候！雖然照顧佢哋係好辛苦，但係每日見住佢哋又覺得好滿足！其實，我都有同一種感覺！既然時間唔可以返轉頭，咁就從新再經歷多一次啦！

老婆，嚟緊嘅日子辛苦你喇！其他粗重嘢等我嚟做啦！我愛你

P.S. 小豆再做家姐，好似好有經驗，所以比較冷靜！

而小花生對於自己第一次做哥哥，就表示…「我無眼睇」

張頴康屋企變水上樂園

雖然張頴康、麥雅緻兩人都很忙，但再忙都為子女大搞生日會，就例如之前就為大女小豆搞7歲生日會，當日邀請了小豆的朋友仔在家中慶祝，除了小朋友最期待的食蛋糕環節，更安排下水禮，在屋外放置吹氣滑梯和小型泳池，變身水上樂園，讓壽星女同朋友仔消暑玩番夠本。

麥雅緻留言：「好多謝大家嘅祝福啊！ 我哋全部睇到收到晒！不過今日係小豆7 歲生日，無論幾忙幾攰，都為佢慶祝！ 簡單約咗幾個同學仔一齊玩⋯ 剪綵下水禮，大家都好開心！」

眨下眼大女小豆已經升小學，過去一年多兩姊弟因疫情多留家中，媽媽麥雅緻絞盡腦汁為小朋友安排在家中的活動，而兩位小朋友充分發揮創意，不時幫爸爸張頴康轉造型，非常搞笑。

張頴康慳儉顧家好形象助上位

結婚12年、為人父雖然家有一對兒女，難得張頴康依然把老婆放在第一位，不時在 IG 公開示愛又嘆相逢恨晚，恨不得早點發動攻勢早點娶太太過門。其實張頴康加入電視台十四年，一路走來星路不算平坦，默默耕耘捱足多年至上到男二位置，不過勝在為人慳儉又顧家，一早量力而為在粉嶺購入三層村屋做四口之家。雖地段未算方便，不過從他們的 IG 可見，三層村屋地方闊落、間隔實用，內裡又溫馨充滿家嘅感覺，不用太豪華樂也融融已經夠幸福。