希望自己是 男人 的7個moment
Text | Avis
喺呢個時代呢一個社會，做女人都算幸福，起碼有自由同權利去追求自己想過嘅生活，但係有時遇到某啲情況，依然會有種「如果我係 男人 就好～」嘅感覺，以下呢幾個moment，你實遇過！
無論個Bra款式有幾靚，cutting有幾得，托得有幾好，甚至聲稱幾「舒服」都好，戴上去都係辛苦，箍住晒！一返到屋企就想即刻除低，就咁笠件t-shirt，大字型攞喺度，呢啲先叫真正舒服～
男人會剃鬚，爽手嘅好快搞掂，再唔係用電鬚刨刮兩下就得。女人脫毛，又話驚愈剃愈粗，用脫毛產品又怕敏感，事後又要做足修護保濕，一了百了可以做laser，但個重點係，男人幾日唔剃鬚都唔會有人care，女人一被發現毛毛蹤跡，就會被人話不雅，公平咩？
粉底上完再到眉毛、眼線、睫毛液……點都要補返個嘴，最慘係無論幾攰幾眼瞓，都要落乾淨個妝先！每次化妝就希望自己係男人，唔駛搞咁多，洗完面搽個lotion就行得。雖然女人可以唔駛化妝，男人亦可以好緊張自己個樣，但都係嗰句，男人化妝唔係必然嘅，女人唔化妝就係冇禮貌喎，公平咩？
男人去toilet超方便，無論環境有幾惡劣，都唔需要糾結「應該點去先好」，女廁永遠長龍時，男廁都係駛點等，好開心～ 仲有，如果可以企喺度小便，你話幾好！
Next Page > 女人最痛係咩？當然係……
5. M痛
好似有一舊石頭壓住小腹，瞓喺度典下典下，坐喺度又唔安樂，然後腸胃好似扭毛巾咁，總之折磨到你投降食止痛藥為止（有時仲要唔work！），做男人，就唔需要定期承受呢種痛！就算冇事，一個月總有幾日「血染的風采」都唔係好受，唔舒服，口腫面腫又周身唔聚財嘅時刻，腦海就會呼喚一句「點解我唔係男人？」
生仔只係其中一個過程，而家講緊成個package，由有BB開始，到懷胎十月，生出嚟之後嘅功夫：餵奶、換片、沖涼……所有所有，壓力巨大得令人希望自己唔係女人，男人似乎少條筋，咁就唔駛煩！不過話說回來，其實做人媽媽都係幸福嘅～
礙於而家好多男人對自己身材比女人仲緊張，所以呢個細細聲講……男人邊駛好似女人咁keep得咁緊要？男人食塊pizza係充補能量，女人食就係放肆，好喇，講咗咁耐有啲餓，order個pizza自己食晒佢先！
最後，如果我係男人，一定會好好珍惜身邊女人，令佢開心同幸福，盡量了解女人嘅想法，俾最大嘅自由度同支持佢去追求自己嘅目標，令女人覺得「其實做女人都好好呀～」
延伸閱讀：
▲ 女生懂的！戴BRA遇到的10個小困擾 http://goo.gl/U4e3CZ
▲ 女人眼中男人最性感的10個瞬間 http://goo.gl/v71B3l
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook:https://www.facebook.com/morehk.hk
