岑麗香揭為何大仔兩個月大已能成功戒夜奶！不懂與仔溝通靠一人幫手事後被抱怨

Jul 9 2021

岑麗香主演的TVB劇集《寶寶大過天》如今熱播中，劇中她飾演新手媽媽悠悠，為照顧囡囡童童（梁芯語飾），與老公阿山（馬國明飾演）、奶奶歡姐（商天娥飾演）及媽媽Diana（龔慈恩飾演）在育兒方針上有分歧，結果產生很多矛盾。現實中，岑麗香不久前才誕下細仔Julius，對住兩個兒子，這位媽媽頭到痕，昨日很難得有MeTime，她即刻不願睡覺，想玩手機。日前，她上商業電台節目《1圈圈》做嘉賓，接受主持阮兆祥、朱菁、天欣的訪問，大談湊仔趣事。

撰文：Clara | 資料、圖片來源：TVB劇集《寶寶大過天》、岑麗香Instagram、商業電台節目《1圈圈》| 原文刊於：Sunday Kiss

岑麗香呻湊仔難大仔扭計+呷弟弟醋

岑麗香與Joshua強強於16年結婚，二人育有兩子。被問到一屋男人，有否打算追女，岑麗香坦言當初曾經想，但現在已放棄這念頭：「無人同我爭老公，幾開心，因為通常前世情人…」

她指成為人妻後生活沒有太大改變，仍然可以照常工作，但有小朋友之後就好大改變，因為時間不再屬於自己，很多事不能在計劃之中進行，隨時有突發情況出現。她覺得相比起懷孕，要照顧小朋友才是真正面臨的難關：「佗？嘩容易啊依家，最緊要係要戒嘢食、嘢食之嘛…(生咗仔之後，）有個人仔需要你，你乜都要放低。」

岑麗香揭為何大仔兩個月大已能成功戒夜奶！不懂與仔溝通靠一人幫手事後被抱怨 — 呻湊仔難大仔扭計+呷弟弟醋（圖片來源：岑麗香Instagram）

特別現在大仔進入「Trouble Two(兩歲反叛期）」，她坦言最辛苦：「識得反叛，見到其他壞嘅小朋友都學埋…所以凡事都可以係難。」她舉了兩個例子，第一，大仔有時會拒絕坐車：「你擺個BB入去兩分鐘搞掂，佢一唔上，你可以10分鐘都企喺度等佢扭計。」第二，大仔有時不願意洗澡：「唔肯沖，你擺佢入浴缸，佢撐住隻腳，左腳一邊，右腳一邊。」阮兆祥笑言她大仔功夫底子好，猶如少林寺，岑麗香表示認同：「真係！好難㗎，要一個人捉住佢對腳，一個放佢入去就得喇。」

另外，她坦言大仔一開始有呷醋、妒忌弟弟：「之前我哋嘅注意力放晒喺佢度，依家永遠都係（同弟弟講）：『小心！小心！』，佢就覺得之前我哋無咁對佢。」為了減輕大仔不安感，她會叫大仔抱一抱弟弟，讓兄弟二人增加接觸，最後大仔終於接受了弟弟，會主動分享，將自己最心愛的玩具放在弟弟手上：「終於鍾意咗佢，friend咗。」

（圖片來源：） — 呻湊仔難大仔扭計+呷弟弟醋（圖片來源：岑麗香Instagram）

爆大仔自小已懂自行戒奶

雖然現在岑麗香要花更多時間教導大仔是與非，但她大爆大仔未到兩個月大已經自己識戒夜奶，三個月大已經可以自己瞓覺，晚上從不扎醒、哭泣，毋須依賴媽媽，令一眾主持大驚並笑言：「咁犀利！？好似過多陣可以出嚟搵嘢做咁，四歲大學畢業。」她憶述當時與老公商量要為大仔戒夜奶，特意減奶，或者見到大仔吃得夠，就將奶樽拔出來，惟大仔懂得自己戒奶：「大家準備好作戰，佢自己吐奶樽出嚟，跟住佢瞓到天光，好感恩。」而現在兩個月大的細仔相比起來不夠獨立，未肯戒夜奶，夜晚會扭抱，令她每日只能睡四小時。