港男不屑小廢包盛行：點解要拎咁細個袋？女網反擊XX女人先拎大袋

港男不屑小廢包＋名牌紙袋好寒酸！

有港男在討論區上發文，表示難以理解港女用小廢包的心態，「明明多嘢拎，格硬要攞個廢袋出街」，他又發現近來有許多港女都會用小廢包，同時再拿麻質袋裝出外用的物品。

他批評「如果係為左襯衫，其實拎埋個10蚊黃麻袋一啲都唔好睇」、「個黃麻袋仲用到變形，爛爛殘殘，好心咁平就換過一個，真係好寒酸」，他最後又指完全不理解港女的行為。

一眾男網民大力認同：仲有名牌紙袋！

帖文一出即在討論區上成為熱門，不少網民湧入討論，有網民就笑言「Ching，你好似數漏左名牌紙袋」，指出在麻質袋變成「時尚」之前，不少港女都寧願用名牌紙袋，而拒絕買容量較大的袋，並指「有啲見到紙袋四隻角殘晒都仲拎出街」。

有網民又認同「唔明做咩本來可以拎一個大小小嘅袋就可以袋晒所有嘢，佢哋係要分幾個細袋，拎到雙手都一袋二袋咁，之後行路左撞右撞，地鐵入閘又冇手拎定八達通」、「本身想輕便想靚先買細袋，細袋擺明靚野又係貴野，同霉霉地嘅紙袋或膠袋形成強烈嘅對比」等等。

港女反擊「黃麻袋好好用」

有港女則在帖文中反駁，指「我哋港女拎咩關你咩事，你無非都係想我哋拎紅白藍袋啫」，有女網友又指出 Muji 黃麻袋的確好用，輕便之餘容量也比想像中大，性價比高，並指出尺寸較大的名牌袋一般而且都十分重，用起來十分累贅。

「啲人用男人袋果種尼龍布料思維去諗啲名牌袋，其實大嘅名牌袋d皮又厚又重，加埋d金屬扣具」。另外還有網民觀察所得，認為港女寧願買小廢包的原因，是因為並非每日外出時都有「立雜嘢」，而且小廢包可以裝到所有的隨身物品，只因外出時因為要購物才會「一袋二袋」。

台網民加入：老女人先拎大袋

這種現象並非只限香港，在台灣其實也因為「小廢包」熱潮而引起熱烈討論。有不少台灣網民都精準地，用一句解答小廢包的必要性，指出「女生從來不買實用性的東西」、「因為好看、漂亮、能搭衣服」、「帶小包才顯得優雅」，認為小廢包的最大價值在於它的時尚和顏值，實用度之類只是次要，更認為「老女人才會揹大包包」、「主打Mini就是又貴又難買，你懂毛啊？」。

也有網民分享心得，指如果女生有一個大背包，男生就會把自己的「衛生紙、牙線棒、皮夾、車鑰匙都塞在裡面，那你帶的應該是保母，不是女朋友」，小廢包可以避免別人把東西塞給自己，畢竟根本放不下。

資料來源：GOTRIP