Sweet爆小夫妻嘅婚姻相處之道，全因態度認真！

Text: Milly

（Presented by Chow Sang Sang）

「認真讓人變得溫柔」－ 搖滾夫妻盧巧音、Sammy

一向喺台上好rock嘅盧巧音，俾人一種烈女嘅感覺，相信大家都好難將佢同「溫柔」二字扯上關係。但自13年同樂隊Kolor主音Sammy結婚後，佢竟然會為老公做家務，煲滋潤湯水，甚至漸漸改變火爆嘅性格，Candy說：「以前我比較硬頸同火爆，但佢改變咗我好多，依家除咗台前，我都好享受喺台後默默付出嘅角色，例如之前佢哋有 concert，我會幫忙 take care 個 show 嘅 visual 部分同設計台服，只有佢至可以發掘出我咁認真，細心溫柔嘅一面。」由火爆變得溫柔，更為另一半而喺幕後默默付出，做Sammy「背後的女人」，呢種改變認真sweet！所以話，當女人遇上認真愛自己嘅人，就好似鑽石遇上用心嘅工匠一樣，令佢從堅硬嘅外表展現出動人光芒。

「認真建立一個家」－ 恩愛夫妻細So、Wing

商台DJ細So一向貪玩，成個大細路一樣。但當佢結咗婚之後，竟然為咗頭家同小朋友，而變得認真起嚟。佢希望小朋友可以唔駛受傳統教育束縛，可以接觸多啲大自然，有更多活動空間，所以佢竟然同太太做咗一個好癲但好sweet嘅決定－由上環山長水遠搬入大嶼山貝澳！

對於呢一次長征，細So諗返起都覺得頭痕：「當時遇到好多問題，入禁區又要辦理禁區紙，但為咗囝囝嘅長遠發展，我真係寧願一時頭痕，都唔想長遠頭痕！」雖然小朋友會好開心，但要返工嘅大人，每朝天都未光就要出門，豈不是好痛苦？「犧牲自己瞓覺嗰幾個鐘，換取佢哋一個快樂嘅成長環境，認真咁講，我唔覺得係咩犧牲！」估唔到成個大細路咁嘅細So，為咗最愛嘅人，願意變得認真起嚟，為家人奉上最好嘅一切 — 由一隻完美嘅婚戒，到完備嘅安樂窩，再發展到一個更美好嘅成長環境。雖然係少咗繁華閙市嘅喧鬧，但細So反而覺得多咗一家大細嘅笑聲，相信佢哋呢個小小嘅犧牲，絕對係值得嘅。

「認真使人成熟」－文青小夫妻Leanne、Tom

模特兒出身嘅Leanne同Mr.鼓手Tom年紀輕輕就結婚，呢對文青小夫妻結婚當日，好多人都唔睇好。但佢哋對婚姻嘅認真態度令佢哋一夜長大，而家一家人相當幸福！結婚6年以來，佢哋面對過大大小小嘅困難，由從前唔識湊小朋友、唔熟手煮嘢食，但為了這個家，佢哋一一認真做起嚟，打破年輕人吊兒郎當嘅形象，眨下眼佢哋嘅囝囝杜杜而家5歲喇！「杜杜出世之後令我哋成長得好快，初時我哋邊做邊學，碰過好多次釘，頭半年係最難適應嘅。過程雖然辛苦，但亦令我哋感情更堅固，學識用耳朵聆聽對方嘅心。」為咗杜杜，兩口子更發展自己小事業，Leanne幾年前開始咗押花手作嘅事業，更成為本地手作市集發起人之一，而且同老公一齊經營結他店小生意。Leanne話，佢哋嘅關係，就好似鑽石嘅趨型一樣，剛開始時一啲都唔被睇好，但經過認真打磨同各個專業步驟之後，終於改頭換面，發掘出內在嘅珍貴、美麗。

一段美麗嘅愛情關係同鑽石一樣，都要講求認真經營先可以「閃」！就好似周生生嘅Infini Love Diamond一樣，每一顆鑽石都擁有3個 Excellent 的評價，即係集完美比例、對稱、磨光於一身，呈現出八心八箭的圖案，代表一段完美永恆嘅愛情。諗起結婚時可以為自己嘅愛人戴上呢個一生一世嘅完美承諾，開展同樣恆久漫長嘅新一頁，真係由個心到甜出嚟！

周生生Infini Love Diamond鑽戒鑲以浪漫粉紅鑽詮釋你哋罕有又閃亮嘅愛。

想知更多唔同人物但同樣認真的結婚故事，密切留意周生生Facebook 專頁或者去 https://goo.gl/TiJzn2 了解更多啦 !