撰文：Athena｜圖片：Instagram、劇照｜編輯：乖乖隆地洞＠central

16句女人反話的真實含意

1.「我而家唔肚餓。」

心裡面嘅意思係→雖然我而家唔餓，但如果真係要食嘢我都OK。

2.「唔緊要。」

心裡面嘅意思係→咩唔緊要呀，我仲想繼續講落去！如果你肯聽我講我會好開心。

3.「有人跟蹤我！」

心裡面嘅意思係→我仲係有Market㗎，你小心啲呀！（同時都想聽下另一半點樣緊張同擔心）

4.「無論如何…」

心裡面嘅意思係→呢樣嘢對我好重要，影響我嘅心情。

5.「我要死啦。」

心裡面嘅意思係→我仲好生猛，未死得，但都想聽你講嘢哄下我。

6.「我鍾意佢，但係…」

心裡面嘅意思係→我無辦法鍾意佢了

7.「我唔再鍾意佢了。」

心裡面嘅意思係→其實我成日諗起佢，夜晚都會偷偷地喊⋯⋯

8.「佢真係好好。」

心裡面嘅意思係→就算佢再好，但我都已經唔鍾意佢了。

如果女朋友講出：「你真係好好，但係⋯⋯」嘅時候，你哋嘅感情可能就響起警號了。

9.「你覺得佢好得意咩？」

心裡面嘅意思係→你試下話佢得意呀，你死硬！！！（任何一個女仔都唔會想另一半讚其他異性嘅，呢個時候要讚下另一半補鑊啦。）

10.「我冇衫著呀。」

心裡面嘅意思係→我啲衫太多啦，唔知著咩好。不如陪我行街買衫呀～

11.「我無所謂呀去邊度食嘢都OK！」

心裡面嘅意思係→我真係無所謂呀，我Care嘅係你有冇Care我哋可以去邊度食嘢咋。

12.「你唔知我幾時生日？」

心裡面嘅意思係→去死啦你！我要殺咗你！！（呢個時候要快啲哄番佢啦，如果唔係真係完㗎啦。）

13.「我哋係和平分手。」

心裡面嘅意思係→佢真係離開咗我了，離開咗我嘅人生，好唔開心。

14.「我哋仲係朋友。」

心裡面嘅意思係→我真係好憎佢呀！

15.「我唔知點解其他女生唔鍾意我。」

心裡面嘅意思係→我知佢哋唔鐘鍾意我呀，我知我係八婆但我唔想認！

16.「我同其他女仔唔同。」

心裡面嘅意思係→我唔認同其他女仔嘅做法，我就係我，我希望你會支持同欣賞我。