哈士奇趁主人睡覺咬爛大疊金牛 事主崩潰無奈：「仲俾唔俾換？」

撰文：Ella｜圖片來源：連登截圖、Facebook截圖、Gettyimages

哈士奇趁主人睡覺咬爛至少$5,000 事主崩潰無奈：「仲俾唔俾換？」

近日有名港男於連登討論區發文以「想殺X咗我隻哈士奇」為題，並抱怨家中的哈士奇把它多張千元「金牛」翻出咬爛，並付上多張哈士奇無奈表情的圖片，令不少網民表示：「又嬲又好笑！」

目測只少損失$5,000

從上載的相片可見，有大量已遭撕碎的一千港元散落一地，目測只少已損失了$5,000。以該事主直指家中其哈士奇就是「兇手」，並無奈表示：「點解平時佢咁蠢會識開櫃檯（桶）…..瞓瞓吓覺聽到沙沙聲覺得唔對路，一望唔使瞓覺，啲錢唔知仲俾唔俾換。」

網民為哈士奇配上對白

此外，該名事主付上多張哈士奇的照片，其無辜及厭世表情更令事主感到生氣又無奈！而有不少網民更為照片中的哈士奇配上內心對白，例如：「咩事姐？」、「幾張銀紙姐」、「對唔住囉鬼叫你唔鎖櫃桶咩」，認真搞笑！

網民：「你之前係咪得罪左佢」

帖文發布後，隨即引起熱討，更有網民笑言事主似乎得罪了相中的哈士奇：「你之前係咪得罪左佢，佢好似未嬲完」、「我見到第一張相都feel到痛」，但同時被不少網民質疑其真實性，指照片中的切口太齊，未似是狗隻咬爛：「咬既切口應該唔會咁齊？」、「啲錢似係“剪”碎多過“咬”碎」。

損毀面積少於25%才可兌換

據香港金融管理局資料顯示，只要將爛鈔票拿去發鈔銀行，再經銀行驗證其真假鈔後，只要損毀面積少於25%，加上防偽特徵完整，即可兌換一張完整的鈔票。