旅行搞手有苦自己知 網民：簡直貼錢買難受！
港人喜歡去旅行，一有空就會跟好友、家人去旅行，不知道大家有沒有經歷過當搞手呢？如果同行的隊友不爭氣，行程、機票又不買不plan要搞手一個人做所有事，真是簡直貼錢買難受！近日有網民在網上開post大呻做搞手的辛酸史，不知道大家又有沒有同感呢？
撰文：CL｜編輯：Fion Yu｜圖片來源：LIHKG、Instagram｜原文：Gotrip
旅行搞手辛酸史
該網民在討論區大呻自己除了要幫手訂機票同酒店，同時要搵最好、最平的機票時間，又要搵邊間平靚正酒店！出發時又被同行朋友嫌三嫌四，話點解飛的時間不好，住的地方又遠，瘋狂畀說話佢聽！最慘的事一開頭網民先幫手畀錢，但去完旅行後，遲遲未收到錢！
1.已讀不回不幫手
有網民話自己做搞手同樣要幫手搵機票、住宿，但同行朋友就已讀不回，最後決定自己一個人去旅行！
有網民寧願自己去旅行，都不想貼錢買難受！
2.完全不上心，得閒都不plan行程
有網民分享有次想搞trip，一開頭夾時間都難，朋友們就算有時間都不願意幫手睇機票，到搶機票時又推三推四，最尾沒有心機搞！
3.嫌三嫌四
傾行程的時候又hea又沒有貢獻，但當有人plan了行程又聽不入耳！結果自己沒有帶足夠錢去玩又要嫌三嫌四，又嫌食得貴玩得貴！究竟想點？
4.乞求先追到尾數
所謂「數還數，路還路」，就算大家幾熟都好，錢銀都要分明！有網民試過一開頭先幫朋友畀錢，但最後搞到要報警至追到尾數，連朋友都冇得做！
有網民試過去完旅行半年之後，先追到尾數！
5.詐傻扮懵唔還錢
有網民就話最乞人憎唔係遲還錢，而係如果不開口叫他還錢，可以詐傻扮懵唔還！
網民：做旅行搞手要識保護自己！
好多網民看到這個post都覺得樓主好慘！有網民就覺得搞手可以做，但就要識得保護自己！不可以任人魚肉！
有網民話找卡數前，就要追回尾數！
網民：叫佢地一早入定錢！
有網民就建議事先叫朋友入錢，到時就不怕回不到錢！
