楊千嬅 生日高調放閃！丁子高：娶到佢好幸福！
生日一年得一次，你會點過呢？ 楊千嬅 生日本來打算低調地過，點知佢個錫到佢燶嘅老公丁子高就準備咗一個好浪漫的驚喜俾佢，搞到千嬅感動心心眼！
Text :Fiona Fong、Ling Lam | Photo : 楊千嬅微博
千嬅話今年的生日是人日，「其實年齡去到某個數字之後，就變得好低調，但我有個好活潑嘅老公，令到我好開心！」問到幾時生多個時，千嬅笑住話：「隨緣啦！」而身後的老公都話：「我無所謂啊。」
殺你一個措手不及⋯🤣🤣🤣
A video posted by Real Ting (@real_ting) on
去到夜晚，丁子高仲為太太準備咗一場煙花表演，千嬅驚喜到大叫啊！雖然結婚已經十年，但楊千嬅同丁子高呢兩公婆都仲係咁恩愛！一個會為老婆準備咁大場驚喜嘅男人，邊度搵啊！
上年千嬅 喺FB玩直播，拍攝自己和兒子Torres砌Lego的生活趣事，期間仲拍到Torres調皮地拍打媽咪塊面，但千嬅似乎一點也不介意，相信是一個EQ非常高的媽媽，那她和丈夫的感情生活又如何呢？千嬅是一個怎樣的太太呢？
由歌手轉職公關的丁子高（Real），太太是樂壇天后兼影后楊千嬅，年齡大他五年，被外界認定為「女尊男卑」的姊弟戀，不過你有你講，兩人結婚十年，誕下兒子丁進諾（Torres）後更加恩愛，Real早前接受訪問時，更表示：「很難得找到個好太太。」
Real坦言與千嬅雖有年齡差距，但相處十分愉快，「心智成唔成熟，比年齡大小來得重要，有啲人四五十歲都 大唔透，但我早出來做嘢，有一定社會經驗，所以要睇兩個人溝通位置同唔同level，有時某啲生活細節上，我比千嬅諗得細緻，但佢亦補到我嘅不足。」
千嬅 貴為樂壇天后兼影后級人馬，返回家中變平民媽媽，學習做個賢妻良母。
Real大讚她是萬能媽媽，無論幾忙都抽空陪仔，「有時拍戲拍到三四點，六點半又起身，七點同個仔一齊食早餐，之後送佢返學放學，佢同個仔一齊嘅時間，可能比我更多。」
極端嚴父又玩又鬧
千嬅是萬能慈母，Real負責做衰人，「其實我好極端，我係一個好嚴，但又可以 帶俾阿仔歡樂的爸爸，老婆、佢媽咪同我媽咪在生活上，同阿仔接觸好多，而阿仔觀察力好強，知道每人功能係咩，知道邊個恰得，邊個唔恰得。佢唔係由朝到 晚見到我，所以比較驚我，佢有咩曳都係我出聲，同埋屋企set個naughty corner，佢一做壞事就放佢入去，好多時都係我做。但玩到好激又係我，游水、踢波等戶外活動，都係我同佢玩，所以佢成長過程入面，爸爸形象比較深 刻。」
身為名人之後，Torres從出世開始，一舉一動備受外界關注，Real擔心兒子被寵壞，自小就教他切勿驕傲，「品行係非常緊要，對人.基本禮貌同 價值觀係必須灌輸，依家我得佢一個仔，所以佢覺得好多嘢好易得到，我會透過講故事去教佢唔好驕傲，另外一定要誠實，做錯嘢無問題，但你一定要老實話俾爸爸 聽。」
最後，丁子高說了一句非常情深的說話：「娶到她，是我一生人最大的幸福。」
