東京奧運|21歲吳諾弘童星出身拍住張家朗出戰團體賽 棄讀男拔做全職運動員
21歲吳諾弘童星出身拍住張家朗出戰團體賽成為香港之光,周日(8月1日)與隊友出戰團體賽,吳諾弘熟口熟面,原來是童星出身,拍過不少劇集,為了全身投入劍擊運動,讀完中五休學做全職運動員。
編輯:東方新地|圖片:新傳媒圖片、TVB劇照、吳諾弘Facebook及IG(部份相片由受訪者提供)|原文::SundayKiss
東京奧運|吳諾弘見證師兄張家朗奪金
張家朗在東京奧運奪金後,他的奧運之旅仍未結束,張家朗得金後表示不會因個人賽得金牌後而放鬆,因為會在8月1 日的團體賽中盡力和隊友出戰。與張家朗並肩出戰「男子花劍團體賽」還有隊友包括蔡俊彥、張小倫及吳諾弘。21歲的吳諾弘童星出身,所以大家都會覺得好熟面口﹗
![東京奧運上,張家朗為港奪金,教練和隊友們包括吳諾弘(右一)都感到光榮(圖片來源:張小倫IG)](https://imgs.orientalsunday.hk/wp-content/uploads/2018/11/nhv4dxh3MJN7gxp/215332185_10165514100925261_5958070445236615151_n_4500324686105177e0916f.jpeg)
東京奧運|吳諾弘望與師兄為港爭牌
吳諾弘出戰東京奧運前,曾接受港台訪問,對首次出戰奧運表現興奮,坦言是任何一個運動員的夢想,在隊中年資最淺的吳諾弘希望得到隊友們的信任,一齊上陣為港爭光:「希望我哋可以一齊共同進退,一齊攞塊獎牌,為香港爭光。」
無綫劇《是咁的,法官閣下》,片頭一幕黃智賢同關禮傑喺終審法院大樓門前嘅一場格劍畫面,唔知大家有冇留意?為呢場戲擔任指導嘅,就係由童星晉身成劍擊手嘅吳諾弘擔任指導㗎喇!由3、4歲開始做童星,起初因為覺得劍擊服有型,加上就讀小學啟基學校以劍擊聞名,所以在小二時就開始學劍,到小三開始打學界,小四至小六3度蟬聯全港小學學界個人花劍冠軍,及傑出運動員獎項!
吳諾弘小學就讀啟基學校,自95年創校,成立劍擊隊超過17年,多次成為九龍區學界團體冠軍,唔少港青、港隊代表,都係出自呢間學校,當中包括崔浩然及最年輕的亞運代表鄭曉為,稱得上是「港隊搖籃」。(圖片來源:劇照)
2012年,諾弘成功考入拔萃男書院,5年嘅學界生涯,為學校同自己都贏咗唔少獎。
吳諾弘成為職業運動員後,經常都會隨港隊到世界各地參加比賽,年前曾參加亞洲U23劍擊錦標賽,同隊友一齊贏得男子花劍團體賽金牌。
![【是咁的,法官閣下】童星晉身劍擊手 吳諾弘棄讀男拔做全職運動員](https://imgs.sundaykiss.com/wp-content/uploads/2018/11/nhv4dxh3MJN7gxp/image7_6237255045be2eb2573ff4-647x807.jpg)
![【是咁的,法官閣下】童星晉身劍擊手 吳諾弘棄讀男拔做全職運動員](https://imgs.sundaykiss.com/wp-content/uploads/2018/11/nhv4dxh3MJN7gxp/image6_16980961945be2eb65055a0-807x605.jpg)
童星出身的吳諾弘曾參與無綫劇集達十年,拍過三十多部劇集,在劇集《是咁的,法官閣下》中,吳諾弘在劇組多了一個新身份,就係劍擊指導喇!
其實諾弘同Ben哥哥黃智賢都有少少淵源㗎!(圖片來源:劇照)
![【是咁的,法官閣下】童星晉身劍擊手 吳諾弘棄讀男拔做全職運動員](https://imgs.sundaykiss.com/wp-content/uploads/2018/11/nhv4dxh3MJN7gxp/31313_16040924225be2ee3f1a1eb-807x484.jpg)
十幾年前,吳諾弘同Ben哥哥首次合作時仲好細個嗰陣,當時二人合作拍廣告!十多年後再在劇集中合作,感覺好特別﹗唔知Ben哥哥睇番呢張合照,會唔會好感觸呢!
細細個有唔少時間都係喺片場度過,拍過嘅劇都唔少啦!(圖片來源:劇照)
2005年第一次拍劇
![【是咁的,法官閣下】童星晉身劍擊手 吳諾弘棄讀男拔做全職運動員](https://imgs.sundaykiss.com/wp-content/uploads/2018/11/nhv4dxh3MJN7gxp/996735_563947593669162_989479526_n_15962007845be2efcf2f61a-807x605.jpg)
吳諾弘第一次拍劇是在2005年《心花放》,當時吳諾弘飾演陶大宇同向海嵐的囝囝,不過劇中陶大宇係唔知諾弘係佢個仔嚟㗎!《心花放》(圖片來源:吳諾弘Facebook)
![【是咁的,法官閣下】童星晉身劍擊手 吳諾弘棄讀男拔做全職運動員](https://imgs.sundaykiss.com/wp-content/uploads/2018/11/nhv4dxh3MJN7gxp/1003280_563967470333841_95051295_n_3539769715be2efd06be8e-807x731.jpg)
在劇集《酒店風雲》吳諾弘飾演郭可盈和馬德鐘個仔!
![【是咁的,法官閣下】童星晉身劍擊手 吳諾弘棄讀男拔做全職運動員](https://imgs.sundaykiss.com/wp-content/uploads/2018/11/nhv4dxh3MJN7gxp/1412488_642396272490960_1214228924_o_10718227465be2efdb5ecf8-577x807.jpg)