《全民造星4》推新賽制! 花姐克服心魔 打造「女版MIRROR」
ViuTV宣佈開拍第四輯《全民造星4》,現正式公開招募!以往《全民造星》打造的男團MIRROR及ERROR,都紅遍香港,不過今次卻只會接受女生報名。《全民造星》節目監製兼經理人花姐早前接受訪問,提到正準備《全民造星4》,表示想加入「戲劇元素」 ,有有興趣參加的快看看詳情吧!
撰文:Lmc丨圖片:梁祖堯@IG、花姐@IG、彭秀慧@IG、保錡@IG、IAN@IG丨原文刊於:新Monday|部份資料來源:東方新地
《全民造星IV》6月21日公開招募 今季係「女生限定」!
6月18日晚上,在《調校你Mirror》第10集的廣告時間,ViuTV正式公開《全民造星IV》首條宣傳片,詳情如下:
女生們Ready !《全民造星IV》即將公開招募! 機會又嚟喇!《全民造星IV》下星期一(21/6)開始接受報名! 今季係女生限定,集氣打造全能女團,同MIRROR一齊炸爆個台!係咪即刻好有畫面呢?😎 趁有幾日時間,快啲影定靚相交上嚟啦!
![花姐曾經表示好怕搞女生真人騷,擔心好多是非,今次「全女班」的安排係挑戰埋自己嘅底線!(圖片來源:viuTV)](https://imgs.sundaymore.com/wp-content/uploads/2021/06/viutv_10265742960d054566c347.jpg)
![宣傳片簡單直接,由Mirror成員登場作出招募,講出賽制。(圖片來源:viuTV)](https://imgs.sundaymore.com/wp-content/uploads/2021/06/mirrorviutv_6501591660d0545800c2d-1024x560.jpg)
《全民造星4》花姐大爆想加入更多戲劇元素
花姐大爆正準備《全民造星4》,今次更想加入更多戲劇元素:「可能要參賽者互鬥演技,《全民造星3》佢哋有實力但係冇機會,但係第4屆佢哋唔係冇機會,可能佢哋唔了解自己最好嘅一面而行錯咗路,可能《造星》個重點唔喺跳唱,可能發大少少喺綜藝或者戲劇。」
![花姐大爆正準備《全民造星4》。(圖片來源:節目截圖)](https://imgs.sundaymore.com/wp-content/uploads/2021/06/4_205366412860d05474da494-1024x576.jpeg)
![《全民造星》節目監製兼經理人花姐絕對是功臣之一。(圖片來源:花姐@IG)](https://imgs.sundaymore.com/wp-content/uploads/2021/06/ig_91520543660d054790594a-1024x768.jpeg)
《口罩小姐》、《造美人》之後ViuTV再玩女生真人騷
近半年ViuTV舉辦了不少女生主打的真人騷,無論係「口罩小姐」或者播放中的「造美人」都有高度討論,奪獎的參選者出道後亦不乏廣告商垂青,今次花姐突破心理關口舉辦「全女班」造星節目,相信內心另有盤算,網友希望節目能直線抽擊9 月的2021香港小姐,勢必成為收視和廣告新一輪大戰!
![ViuTV有心鋪排捧紅女藝人的實力,今年台慶特備,正是以由20位青春少艾主演的《YOLO的練習曲》做主打。 (圖片來源:ViuTV)](https://imgs.sundaymore.com/wp-content/uploads/2021/06/viutv20yolo-viutv_79693690960d055253d10f-1024x577.jpeg)
全民造星4|花姐斟掂梁祖堯做《全民造星4》導師
《全民造星3》節目贏盡口碑,除了多得A、B組的導師林二汶與彭秀慧領軍有功外,被A組參賽者暱稱為「媽媽」的客席導師梁祖堯(祖祖)亦功不可抹,梁祖堯用心去教導與指引,令節目內容更富娛樂性,而賽後花姐已斟掂梁祖堯擔任《全民造星4》的導師。
![《全民造星3》由跳「折骨舞」的Ben奪冠,身為客席導師的梁祖堯感到非常驕傲。(圖片來源:梁祖堯IG)](https://imgs.sundaymore.com/wp-content/uploads/2021/06/3benig_85374829960d0554ebe2f8.jpeg)
![亞軍是賽前大熱陳葦璇,梁祖堯亦非常睇好對方。(圖片來源:梁祖堯IG)](https://imgs.sundaymore.com/wp-content/uploads/2021/06/ig_117585274960d055546ad82.jpeg)
全民造星4|花姐想有戲劇元素梁祖堯做導師勢在必行
《全民造星4》已在籌備中,今年勢必再搞《全民造星4》,《全民造星3》完結後監製花姐已被追問何時開始籌備,她笑說:「畀我唞一唞先,未開始工作mode。」不過梁祖堯早已收到花姐誠邀做《全民造星4》導師,不過他有條件,就是不想與林二汶做對手,因為今次他負責協助二汶,建立起感情與默契,參賽者更叫二汶做「爸爸」,對於明年做《全民造星4》導師,梁祖堯直認不諱仲表現好興奮:「花姐係有問我下年想唔想做導師?當然想啦!但就唔想同二汶做對手,我唔離婚呀!我唔要我哋個家散呀!哈哈!我想保住我頭家,唔知一齊得唔得?」有梁祖堯幫手,《全民造星4》肯定有睇頭啦!
![《全民造星》的靈魂人物花姐開始著手籌備第四輯,據知她已誠邀梁祖堯做導師。(圖片來源:花姐@IG)](https://imgs.sundaymore.com/wp-content/uploads/2021/06/ig_118156962860d0560e8eeb9-819x1024.jpeg)
![做導師最緊要識領軍,指導參賽者發揮最大潛能,做出有娛樂性的演出,《全民造星3》的林二汶與彭秀慧加埋花姐,夠晒火花。(圖片來源:彭秀慧@IG)](https://imgs.sundaymore.com/wp-content/uploads/2021/06/3ig_58940363460d0561543b1b-1024x683.jpeg)
![初步已應承做下一輯導師的梁祖堯,唯一條件是不想和林二汶敵對。(圖片來源:梁祖堯IG)](https://imgs.sundaymore.com/wp-content/uploads/2021/06/ig_197078227560d056171fc3c.jpeg)
《全民造星4》今日開始接受報名,ViuTV將投放資源,透過節目選拔一隊全能女團,並透過一系列嚴格訓練選拔女團。最後由節目選出的參賽者會組成女團並擁有自己歌曲,甚至會以團隊及個人身份,全力進軍歌影視及娛樂圈多個不同領域,為香港娛樂事業增添生氣。
報名日期:2021年6月21日中午12時正至2021年7月9日晚上11時59分
條件及資格:
參賽者須年滿16歲女性並持有有效香港身份證,未滿18歲的參加者須由其家長/監護人確認同意方可參加節目。
詳情按此看《全民造星4》參賽者招募活動受條款及條件約束。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。