任達華聞17歲女兒拍拖即黑面 下「禁戀令」至大學畢業！愛女任晴佳身高180+逆天長腿成「絕美星二代」30層物業在手
任達華女兒逆天身材而備受熱議。而較早前任達華女兒任晴佳因被影到與少男同行，被傳情竇初開。今年17歲身高180遺傳父母優良傳統的任晴佳，裙下之臣應該都唔少，不過阿爸任達華口裡說開通，回應時卻表示女兒要以學業為重，拍拖要讀完書先，即係一日未大學畢業都唔使諗兒女私情？
任達華聞17歲女兒拍拖即黑面 下「禁戀令」至大學畢業！
任達華愛女任晴佳正值花樣年華，17歲的她注定是人生勝利組，遺傳了父母標緻的五官、無敵的180身高與完美長腿身形，有機會青出於藍，女承母業成為專業的超模。此外，作為女兒奴的任達華更曾經表示自己名下30多個海外及香港物業通通都會留給女兒，簡直把愛女寵上天。最近任晴佳被影到在鬧市與一名少年登上同一座駕，之後便傳出拍拖消息。
任達華公開回應
日前任達華現身香港電台出席《2022年節目巡禮》，被問及愛女任晴佳是否有戀情，華哥極力否認：「嗰日個男同學我都識，佢哋好細個就認識.，由細玩到大，有同學生日，所以佢哋一齊去買禮物，正常社交嚟…..我好Open，但要讀書先，依家係讀書時間。」記者再追問囡囡是否讀完大學才可以拍拖？華哥再答：「係，囡囡有分寸，我唔擔心。」
強調囡囡鍾意讀書
任達華似乎對女兒情竇初開非常抗拒，甚至不想去面對，他表示囡囡經常與他分享少女心事，不過就堅決話囡囡冇人追，從來冇講過呢樣嘢，仲話父女之間互相都有信任。最後，任達華再次強調女兒任晴佳點都係鍾意讀書多啲喎！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
Tag
娛樂
圖片來源：IG@ellayamm、東方新地照片庫
