The Intern 給港女的5大 職場啟示

由Anne Hathaway 及Robert de Niro 主演、近來大熱的電影「見習無限耆」（ the intern ），除了上次跟大家介紹過電影場景好似真實Facebook Office，電影內容其實都對大部分作為職業女性的香港女仔好有啟發性。

Text: Manda

01 每日工作14小時 都討好唔到老細？
電影中Anne Hathaway 是個創立成功網店嘅老闆，不過為人比較難相處。佢嘅私人助理係個名校畢業生，不過每日工作14小時都得唔到老闆嘅信任，自己都谷到爆。相反羅拔迪尼路飾演見習生，反而提醒佢放工應該去拍下拖同埋約朋友食飯，享受下自己嘅人生，唔好淨係掛住討好人。其實在亞洲人嘅職場文化當中，老細未走自己都唔敢放工。不過工作係講效率，係返工時間裏面做完啲嘢，就係有效率，唔需要成日OT當應份，上司同下屬都有時間去享受自己嘅人生，work life balance ，才是健康的職場文化，員工請病假都少啲。

02 學識讚賞下屬
電影中羅拔迪尼路提醒Anne Hathaway 要不時讚賞下自己嘅私人助理，而佢亦都欣然接受羅拔迪尼路的提醒。在香港的職場，好多好叻嘅上司都係女性，覺得做啱係應份，對讚賞比較吝嗇，捽就反而好多。其實想得到認同係人之常情，一個小小嘅讚賞，甚至乎是WhatsApp中一個舉起手指公的emoji，都會令到到員工，更加為工作賣力。

Next Page>事業成功，換來老公偷食，唔通係我抵死？

03 事業成功 換來老公偷食係我抵死？
電影中的Anne Hathaway 是一個成功的網購公司老闆，老公本來叻過佢，但為了成全老婆創業，甘願留在家中做湊仔公。不過因為Anne Hathaway 成日都醉心工作，所以生活作息時間同老公不協調。當二人打算解決這個問題的期間，老公有了第三者，造成婚姻的裂痕。

不過見習生羅拔迪尼路好心水清，認為Anne Hathaway 為夢想打拼不是錯，值得有美滿家庭及幸福，而不是被背叛的藉口，也不需把老公出軌的責任，歸咎於自己努力工作。實在是對職業女性的當頭棒喝。

04 創業需要夠投入
有些女生工作到一段日子就想自己出來創業，電影中 Anne Hathaway 以18個月的時間營運的網店，來達至人家幾年才達到的規模。員工由開初的二十多人，十八個月內激增至二百多人。因為見習生羅拔迪尼路當Anne Hathaway 司機時，親眼見到她在倉庫一手一腳教物流員工如何把送出的貨物包裝得好像禮物一樣，她的熱誠以及百分百的投入，才是創業成功及公司的靈魂所在。有心創業的你，也要記住這一點啊。

Next Page> 作為上司，用人最忌是有 _ _ ?
05 用人要避開自己的偏見
電影中的Anne Hathaway 本來不想聘請羅拔迪尼路這70歲的老翁當自己的見習生，還想把他調組，就是因為自己本身跟父母關係不好，產生對老人家相處的偏見。

誰知後來羅拔迪尼路這位能與任何人相處的見習生，因為在職場打滾幾十年的待人處世態度，以及包容性，更加成為Anne Hathaway 可以傾訴心事的最好朋友。職場很多女性上司聘請員工都是相信直覺，不過有時會被自己的偏見蒙蔽，開放一點，有時會有意想不到的收穫呢！

延伸閱讀：

▲HERMES 保值買邊款 7大不可不知的TIPSHTTP://GOO.GL/GMFC49

▲必追！6大韓國美妝BLOGGER PONY都只是第2名HTTP://GOO.GL/FGMOZQ

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

More Facebook:https://www.facebook.com/morehk.hk