IT狗｜陳漢娜Hanna空靈氣質被封女神！曾到日本發展 首次拍電影即獲提名 私下還有另一面

陳漢娜Hanna入行五年成績亮眼！空靈氣質被封女神

陳漢娜在《IT狗》中飾演電腦程式員蒙玲，暗戀主角葉念信（凌文龍），二人會有感情線！而她更憑著靚樣和好演技成為焦點，獲網民稱讚演得出色。

誤打誤撞入娛圈

現年28歲的陳漢娜香港大學廣告設計系畢業，大學時誤打誤撞成為模特兒，畢業後試鏡成功後參演首部電影《殺破狠．貪狼》，飾演古天樂女兒一角，憑角色入圍香港電影金像獎「最佳新演員」，古天樂憑電影成為金像影帝，陳漢娜第一次拍戲便是大製作，陳漢娜坦言與古天樂演父女好大壓力，因為對方在片場時氣場好強勁﹗

日本發展不順 回港繼續奮鬥

陳漢娜自小熱愛日本文化，拍畢《殺破狼·貪狼》後、17年隻身到日本發展及體驗生活，但長達三個月一個工作都接唔到，花盡自己六位數的積蓄，一度情緒爆煲﹗被迫回流返港的陳漢娜，首部電影《殺破狼．貪狼》 反應佳，雖然失落金像獎最佳新人獎，敗給凌文龍，但關注度高企，令她重獲信心，之後在電影《G殺》擔正演出，並參與《墮落花》、《遺愛》、《智齒》等電影。

不被外型局限 開拓更多戲路

陳漢娜在《墮落花》中同溫碧霞有大膽SheShe戲，話題十足，連從影多年的溫碧霞都話是她最大突破﹗而陳漢娜則指拍攝時因為大家都好投入，完全冇尷尬﹗陳漢娜話：「我覺得自己好幸運，每一次拍每一套戲，喺每個演員同導演身上都可以學到好多嘢，《殺破狼．貪狼》嘅古天樂啦，仲有《墮落花》嘅 Irene（溫碧霞）。每次去到片場都係，雖然大家事先都有讀劇本，最得意就係我睇完劇本有一種理解，但係現場同經驗豐富嘅演員一齊拍戲、見到佢做戲，又係另一個層次另一種演繹。」

陳漢娜續說：「每場戲由Irene帶住，好有安全感、有一種聯繫，好舒服好自然，自然而然。我相信個感覺唔止我一個有，Irene都係，好觸動、好深刻。我喺戲裡面對 Irene嘅感情太複雜，有親情、有敵意、有好奇，我冇諗過我嘅尺度去到邊、嗰場戲係唔係好大膽，我諗一個好嘅劇本同一個好嘅導演嘅功力就喺呢度，一齊自然而然咁發生，嗰一刻有呢個衝動，我覺得好正常喎！」

和教主合作成話題

而說到最近陳漢娜Hanna的另一個話題，就要數到早幾個月前出演教主盧瀚霆的《不可愛教主》MV，當中Hanna把暗戀一個人的心情引起觀眾共嗚，加上MV中穿上舞蹈服的場面，令不少網民都不禁提問女主角是誰。

私下不喜歡使用社交媒體

陳漢娜Hanna除了擁有一臉不吃人間煙火的空靈氣質，原來私底下的她同樣不喜歡使用社交媒體。她指社交媒體容易扭曲自己的思想，把明明只是想分享的事變成想引人注意，到頭來就不會剩餘多少精力可以走下去。