Ian上節目罕有剖白內心世界 自認性格敏感兼陷入迷惘期 「唔知點解唔係好享受做自己」

撰文：Ella｜圖片來源：Ian@IG、Do姐@IG

Ian上節目罕有剖白內心世界 坦言陷入迷惘期 「唔知點解唔係好享受做自己」

Mirror大受歡迎，絕對是近年人氣最旺盛的偶像組合！而近日Mirror成員Ian就上了Do姐電台節目《口水多過浪花》節目做嘉賓，分享出道至今的心路歷程，而出名愛錫後輩的Do姐就趁機關心Ian的真實內心感受，更講出Ian的真實性格，令Ian直呼：「Do姐你好勁﹗」

坦言陷入迷惘期 演唱會後7-8成時間失眠

現時Mirror組合大受歡迎兼具高人氣，Do姐就問Ian會否因受歡迎而令他感到不知所措，Ian就坦言對Mirror的成功感到相當感恩，但仍處於適應期：「其實真係好Overwhelm，一方面好感恩同開心，好難得有機會做到自己鍾意嘅嘢，亦有人支持你，呢樣嘢好幸福感覺，呢個係客觀事實，但同時亦有唔適應同唔習慣，仲摸緊我同呢啲嘢點好好相處，點樣擁抱呢啲突然間唔同嘅嘢呢？」

Ian續指：「依家係迷惘期，有時得到一啲嘢，我唔係即時慶祝，反而我係會諗下一步，如果之後承接唔到點算，個壓力就會越來越大，因為我覺得今日要比噚日嘅自己好啲。」Ian表示，自己曾有一段時間分不到外界對於自己的Comment是源自於真心還是客氣說話：「Even係信得過朋友，我都有保留心態，我都唔知點解，可能自己性格。」更大爆自己在演唱會後都不能放鬆，有7至8成時間都會失眠，只會不斷思考如何做得更好。

自認性格比較內斂 不善於分享感受

Ian認為自己的迷惘似條橡筋，現時處於繃緊狀態，仍在學習如何做到收放自如少少。當Do姐問到平日如何處理壓力時，Ian坦言自己偶而會向身邊朋友分享，會舒緩到少少，不過效果未如理想：「我同身邊朋友Share，會Release少少，呢個係我性格缺陷，同身邊好好朋友都唔會分享真實心情，全部擺喺自己度，長期積住一啲嘢冇清，愈來愈緊，唔識鬆。」更指拍戲可讓他暫時放下「陳卓賢」身分：「好奇怪，唔知點解唔係好享受做自己，一做自己就好大壓力，呢樣唔係幾好。」

Do姐分析Ian真實性格

透過Ian講述內心感受後，Do姐就似乎看得相當通透，直指Ian性格好難開心，直猜：「你不斷尋求答案，但答案係乜嘢呢？唔知，個答案喺你面前，以為係答案，但打開咗之後，嗰個唔係答案，你會繼續迷惘同敏感下去？係你咁嘅人？ 」看來Ian的內心世界被Do姐一語道破，令Ian感到相當驚訝，直呼：「Do姐你好勁﹗」

大爆團員間甚少傾心事 AK會主動關心隊友

無論粉絲、Mirror成員還是花姐，都一直非常關心Ian的狀況，不過礙於本身自己性格關係，往往認為「自己有情緒要自己控制」，因此對於大家的關心感到過意不去。當被問到與Mirror是否好好兄弟時，Ian就指副隊長江𤒹生（AK）會主動關心隊友，但坦言團員之間不太會傾心事，但知道大家都關心自己。