龔嘉欣男朋友是花心大馬富二代？秘戀低調護愛苗曾為男友推劇現狠斬情絲

Q: 有什麼Netflix、Disney+推薦及必睇劇集？

為大家整理一下截至目前為止小編追過的Netflix影集清單， 必睇Netflix電影或劇集片單 ；Disney+方面，則可以一看 電影片單推介 。

Q: 有什麼必睇劇集？

不少美劇都被稱為神劇，小編整合了一系列必看 美劇推介 。當然，不少得 韓劇 、 陸劇 、 台劇 及 BL劇 推薦。

Oct 22 2020

現年30歲的龔嘉欣，17年與陳凱琳、譚凱琪、沈卓盈合拍劇集《平安谷之詭谷傳說》結緣組成「少婦聯盟」，三年間看著幾位好姊妹結婚嫁人變幸福人妻，令龔嘉欣亦渴望早日結婚生仔。原來龔嘉欣男朋友是30歲的大馬富二代Bryan，去年二人打得火熱，更有傳Bryan打本給嘉欣在當地開火鍋店，拍拖以來愛得甜蜜，以為嘉欣好快嫁入豪門做大馬新娘，誰料經過年半蜜月期，近日留港拍劇的嘉欣，最終敵不過疫情與男友Bryan經常兩地分隔，與富貴花弗男友分手收場！

原文刊於：東方新地｜圖片來源：東方新地、龔嘉欣Instagram、龔嘉欣友人Instagram

龔嘉欣男朋友是花心大馬富二代？曾為男友推劇現狠斬情絲

龔嘉欣單身7年終有新歡

入行十三年的龔嘉欣，真正承認的戀情只有10年同鄧健泓拍拖，單身七年，直至去年盛傳撻著大馬富二代Bryan，雖然戀情傳得熱烘烘，不過龔嘉欣一直未有公開承認有新歡，只表示同Bryan是朋友關係，表現低調全為保護愛苗。據知情者透露：「Bryan屋企人喺大馬有好多生意，因為有投資一啲表演活動，而識到嘉欣，對嘉欣一見鍾情，即刻抄牌大力追求，兩個好快已經打得火熱，Bryan為咗想嘉欣多啲留喺大馬，仲打本畀佢喺當地開火鍋店做老闆娘！」

新冠肺炎疫情殺過大家措手不及，龔嘉欣亦唔例外，近日留港拍劇的她，亦因大馬男友花弗而分手。（（圖片來源：東方新地）

去年初龔嘉欣自爆有人追求，情人節更收到兩大束玫瑰花，沐浴愛河的她笑到見牙唔見眼。（圖片來源：龔嘉欣IG）

秘戀大馬富二代Bryan一年多，龔嘉欣一有時間便會飛馬來西亞拍拖，悉心栽培愛苗希望能開花結果，可惜再次遇人不淑，戀情泡湯分手收場！（圖片來源：龔嘉欣友人IG）

同 Bryan熱戀亦未曾公開承認拍拖的龔嘉欣，其實早已融入Bryan的朋友圈子，去年陪實 Bryan慶生，更以女主人姿態坐正男友身旁。（圖片來源：龔嘉欣友人IG）

恨結婚生仔為男友推劇

愛得全程投入的龔嘉欣，早就視男友為真命天子，為爭取時間陪男友，今年只接拍僅12集，與羅天宇合作的劇集《香港愛情故事》，及近日開拍的《金宵大廈II 》，嘉欣更推掉伯樂陳維冠五月開拍的劇集《七公主》的主角角色。據知情者透露：「近年睇住好姊妹Grace（陳凱琳）結婚生咗兩個仔好幸福，嘉欣都好想組織家庭，又想快啲生BB，加上男友Bryan最初真係好錫佢，令嘉欣更加想嫁人，今年初接咗《香港愛情故事》，最後佢都只係客串《七公主》，因為一做主角套劇要拍成四個月，佢唔想同男友分開咁耐！」

有指由陳維冠監製的劇集《七公主》，其中一位公主原屬意龔嘉欣演出，不過為爭取時間陪男友，龔嘉欣推走角色，只客串演出。（圖片來源：東方新地）

因新冠肺炎疫情，龔嘉欣每次飛馬來西亞，兩地都要隔離14日，因此每次飛大馬，她亦會盡量逗留較長時間才返港。為陪男友，今年除為劇集《殺手》宣傳，便只接拍12集的《香港愛情故事》，直至近日才客串演出《金宵大廈II》。（圖片來源：龔嘉欣IG）

男友多女埋身龔嘉欣狠斬情絲

不過計劃永遠追不上變化，近日留港拍攝新劇《金宵大廈II 》的龔嘉欣，原來已同大馬富二代男友Bryan分手。據知情者透露：「每次嘉欣去大馬， Bryan都會陪到實，對嘉欣照顧得好周到，拍拖冇耐已經成日帶嘉欣見自己啲朋友，又買咗架波子畀嘉欣揸嚟開工，架車嘅車牌頭兩個英文字『KB 』，仲係佢同男友嘅英文名縮寫，嘉欣點會唔冧，一提男友嘉欣都會甜到漏，大家以為佢今次真係搵到真命天子，估佢會好快會結婚，冇諗到嘉欣呢排喺香港拍劇，男友喺大馬原來不甘寂寞，好多女埋身，而Bryan亦都來者不拒，嘉欣知道後斬情絲。」舊嘅唔去新嘅唔嚟！三十歲的龔嘉欣其實仲有時間揀，根本不用心急呢！