老婆嫌文化水平低 黎諾懿 做老竇 冇得為仔改名

撰文：SundayKiss | 圖片：Instagram，新傳媒圖片庫

黎諾懿 做老竇 「小春雞」搶閘出世 重6.6磅

黎諾懿憑住「最接近神的男人」馬壯一角入屋，個性調皮幽默、為人自信，形象深入民心。上年11月中， 黎諾懿藉着與Nicole結婚2周年紀念，在社交網站上載短片宣布Nicole懷孕的喜訊，並展示Nicole嘅超聲波相片和幫BB改了個花名為「小春雞」。Nicole的預產期，本來是本月16日，亦正正是復活節。原本打算順產的Nicole，最後聽從醫生的建議，改為開刀分娩。囝囝重6.6磅，母子平安。

初為人父 難掩喜悅

初為人父的黎諾懿，非常開心，更在社交網站上跟大家分享這份喜悅。黎諾懿先貼上一家三口全家福，並指：「神之子——小春雞正式降臨人間」。接著再貼上老婆和兒子的合照，指：「老婆辛苦妳」，相當甜蜜！貼完相仍未夠，還公開了Nicole在床上吃雪糕、玩電話等入產房、小春雞出世後的片段，並再一次感謝老婆：「老婆愛妳辛苦妳了」。一眾網民亦紛紛為他們送上祝福，並大讚小春雞可愛！

老婆下禁令冇得幫囝囝改名

問到囝囝的名字時，黎諾懿表示中，英文名仍未改，暫時先稱兒子做「小春雞」。早前黎諾懿曾自爆老婆早已下禁令，不準他為兒子改名，皆因Nicole嫌他文化水平低，讓他為兒子改名，名字一定很「老土」。黎諾懿又謂Nicole在澳洲留學，因此英文名則由老婆負責。

升呢做男一 即公開戀情

黎諾懿於2010年接拍《讀心神探》，當時都有份拍嘅周美欣就介紹咗同樣有份參選香港小姐嘅Nicole 畀黎諾懿識。黎諾懿主動約Nicole睇戲食飯，之後就自然咁發展啦！啱啱拍拖時，黎諾懿接拍《愛•回家》，佢接受訪問時被問到：「才升呢做男一，公開戀情，無綫冇詐型咩？」佢大方咁話：「Nicole始終係一個好女仔，如果對象係𡃁模可能就會詐型。」

感謝女友包容

拍拖期間，黎諾懿大讚女友3年來照顧得佢非常好。黎諾懿剖白佢好感激Nicole對自己嘅支持。四年前開拍《愛•回家》時，差唔多每日都要拍攝，完全沒有時間打理私人嘢，但期間Nicole完全沒有怨言。佢仲話兩人一直冇去旅行，最遠都係去澳門玩咗一日，所以真係好感激Nicole當時嘅包容。

富家女與屋邨仔

Nicole父親經營的奧華美容公司，旗下有18家分店，家住四千萬紅磡豪宅海名軒，連同手持的物業，估計身家逾五億。黎諾懿生於基層家庭，在屯門友愛邨長大。一個是富家女，一個是屋邨仔，看似是兩個世界，但要一齊其實只需要愛。黎諾懿話：「開頭都知佢家境OK，但都係睇雜誌先知佢屋企有咁多間公司，因為我從來唔過問呢啲嘢。」佢仲話拍拖時，同Nicole喺屋企睇《愛•回家》，「佢爹哋仲打開本雜誌話『喂，又寫你哋，有三版呀，哈…哈…』佢哋似乎接受咗，冇乜壓力！你知雜誌將佢哋嘅身家估大少少㗎啦，Nicole仲講笑話『嘩！爹哋你有層樓值億二咩，賣咗佢啦！』」不怕被說成黐金糠嗎？「佢阿爸阿媽我阿媽同 Nicole知道唔係咪得囉，人哋講乜都冇所謂，只要唔好太傷害性，最肉酸咪話我食軟飯，但你哋見我仲做緊嘢㗎！」黎諾懿話自己並不物質，只希望退休時有間屋，屋前面有片農地。但連香港大東北都話要發展成銅鑼灣，想耕田，或者要離開香港。

爸爸12歲時患癌病逝 黎媽媽獨力孭起頭家

黎諾懿生於基層家庭，在屯門友愛邨長大，上有哥哥下有弟弟，要養育三條化骨龍已不簡單，何況父親在他12歲時患癌病逝，黎媽媽日頭做清潔工，夜晚做小販， 獨力孭起成頭家。「本來阿爸儲錢買咗架貨車，做生意之餘，星期日仲會車成家人上山頂飲茶，但之後為咗醫病，乜都賣晒。」惡劣環境迫成，三兄弟分外生性，黎 諾懿一滿16歲就去惠康、百佳做打雜幫補家計，中學畢業後打份銀行工，貪薪高糧準福利好，還可以低息買樓。「我負責核數，日日將左邊嘅數加晒等如右邊就叫 完成使命，我敢講喺會計部冇人撳計數機快得過我，但真係好悶。」撐了兩年，突然有日看到雜誌的藝員訓練班招生廣告，即刻報考。「我嗰時好肥，成百九磅，身 形似足歐陽震華，所以waiting list都要排第三。」以為無望，怎料剛巧碰上英皇新秀歌唱比賽招募參賽者，撬走訓練班三個人，導致黎諾懿以候補形式被取錄，同期還有胡定欣和蔡淇俊。

籌備婚禮

黎諾懿喺2014同拍咗拖3年嘅Nicole拉埋天窗做「5億䮛馬」。黎諾懿認為自《舞動奇蹟》和《愛•回家》的拍攝令佢收入變得穩定，變得有經濟能力，所以會想作人生嘅下一步就喺結婚啦！ 籌備婚禮期間黎諾懿笑稱自己只係畀錢，其他由選婚紗，訂酒席，甚至連求婚戒指都係又Nicole一手包辦，睇嚟黎諾懿好信任老婆嘅眼光喎。兩人又有生小朋友共識，佢哋計劃結婚後先二人世界兩三年，先開始「做人」計劃。

榮升做爸爸

2016年11月喺佢哋結婚2周年紀念，喺呢個咁重大嘅日子，黎諾懿喺ig上載短片宣佈佢要做人父。喺片中都感受到佢戈份做人爸爸嘅喜悅，係片入面黎諾懿播放bb照超聲波時嘅心跳聲，仲有超聲波嘅相。佢仲搞笑咁話：「無錯，這個係小弟同老婆李潔瑩的愛情結晶品。同埋打牌嘅嘢，梗係要『一索』啦！佢（BB）係有一索，我係一索得男！張達倫到你喇！」，相信小朋友岀世後會為佢哋兩夫婦帶來更多歡樂。