黎明演唱會金句 逐句數

text-betsy photo-網上圖片

1. 黎明金句：「將1個回憶放喺database入面。」

嘩！黎天王咁sweet，點可以唔將你放入database入面？

2. 「廣東粗口有啲係好難聽，但英文就冇事，可能你慣英文粗口教育，國語廣東話韓文都有粗口，有啲特別情況下無辦法解釋自己，你就要加個字落去，無人會怪你。」

演唱會中，有觀眾要求和黎明握手，但他拒絕了，說：「我唔介意逐個逐個握手，但問題係第1日冇握，今日就唔可以握手！你今日返屋企會開心諗：『i am very爽，握咗手！』，但前面(前幾場)嘅人就會諗：『oh sxxt, i am very bad，點解我唔買這場。』」口快快講咗句粗口，黎明即刻金句王上身，講自己對粗口嘅睇法。的確，講粗口都係情緒抒發的一種！

3. 「每日都好多謝天公造美，感激上天帶我哋嚟到呢個地球，令我哋有緣，互相接觸到、互相了解到彼此承諾，其實每個人生活喺不同地方，生活習慣、性格，大家唔同，上天、上帝畀大家不同思想、想法存在，所以好感謝我哋有呢個緣分，無論邊個賜畀我，我都好珍惜，聽日都會留喺呢個思想裏面。」

黎天王呢句金句好感性，今次真係長知識了！

4.「我從來唔覺得除衫係鹹濕！除衫是很簡單的事，你除一件，我除一件。OK！除就除，驚你呀？」

全場歌迷聽完呢句，仲唔狂大叫「除衫」？黎天王最後真係除咗，好正吖喂！

5. 「其實好多內地朋友都識聽廣東話，不如都係講返廣東話啦！」

黎天王演唱會一出場就話要講廣東話，作為香港人當然拍爛手掌！

6. 「有人會話：『Leon，你好萌呀！』，其實呢個『萌』字，以前解釋係cute，咁依家係cute字加個『叔』，就係『萌叔』喇！」

無論係「明叔」還是「萌叔」，fans一樣咁鐘意!

7. 「對唔住！」

黎天王演唱臨時因技術問題開唔成，馬上在facebook道歉，今時今日，有幾多公眾人物做錯事，夠膽企出來道歉，講對唔住？而且，搞1個演唱會有十萬樣嘢，布料、場地呢啲嘢，該不到黎天王負責，但他依然企出來一力承擔，還說完全不關政府部門事！再望望香港高官，拎個行李入閂，證據確鑿，擺明7咗都多多藉口！所以，黎明金句之中，呢句小編最LIKE呢句!