黃翠如惹整容疑雲驚現透光鼻！曬16歲舊照自辯 曾被三哥爆整容、網民貼圖作面容比拼

黃翠如表演「食陽光」誤曝露「透光鼻」被質疑整容

黃翠如片中自拍抬起頭讓陽光曬在臉上，口郁郁扮食嘢，留言指在隔離中「也要吃陽光」，形容這是維他命D餐﹗不過有網民留言指「鼻樑透光」、「透光鼻」，黃翠如即大反擊：「我的鼻非常真的。」黃翠如這次大馬之行，是到當地出席活動，近日已完成隔離出關，並與閨密吳天瑜同場出活動，相信工作後會留在當地好好敍舊﹗

黃翠如悍衛其「虎鼻」 強調冇後天加工

其實現年40歲的黃翠如，近年經常被指「愈大愈靚女」，早前黃翠如在IG貼出16歲時穿著格仔衫與現在的她做對比，即時引起網民熱烈討論，有人留言大讚她冇變過，不過，有讚當然亦有彈，也有人留言質疑翠如個鼻高咗靚晒﹗

黃翠如孖老公蕭正楠舉「呢個手勢」力挺自己有毅力

「今日係第四日，06起身，跑5k幾。」

早前有報道指黃翠如驚變「木偶鼻」，搞到黃翠如出席新劇宣傳活動都要急急澄清，強調自己天生「虎鼻」有福氣，絕冇郁過手腳，唔好屈佢咁話！不過現場所見，黃翠如蘋果肌飽滿，鼻樑高而畢直，愈大愈靚能夠得天獨厚，大家唔羡慕得咁多嘞！

黃翠如早前《使徒行者3》被三哥爆整容

《使徒行者3》當日live chat，三哥講到劇集時間設置時，竟然爆黃翠如整容，便謂：「時間係《使徒行者2》的約十年後，梅姐周遊列國返嚟，仲整埋容！」此言一出翠如即煞停三哥，全場即時鴉雀無聲！

黃翠如整容疑雲！兩輯《使徒行者》黃翠如面容比拼

《使徒行者3》播到第14集，黃翠如的戲份不少，還涉及2009 – 2019年間的轉變，有網民將兩輯「鄭淑梅」的面相做比拼，角色的氣質同演繹的確係唔同咗：

黃翠如蕭正楠夫妻齊齊重手執靚吸客臉形五官再進化

轉眼結婚後蕭正楠黃翠如，生活甜蜜美滿之餘，幸福人夫人妻身份，更帶挈二人賺錢能力爆升，翠蕭繼陳豪陳茵媺後，成為無綫首席賺錢夫妻檔，婚後成為搶手貨，為咗唔失禮客戶，二人容貌亦再進化。有眼利網民發現夫妻同時臉形五官再進化，逆齡生長容光煥發，本身女神 BB的翠如，更是蘋果肌激凸，鼻樑筆挺兼驚見蝦餃下巴， BB女神變鬼妹女神，因此黃翠如整容成疑雲！有網民更指身旁蕭正楠亦回春有法，昔日闊面形緊緻提升，由老蕭變嫩蕭，婦靚夫隨，夫妻齊齊重手執靚吸客！

黃翠如整容疑雲 驚見木偶鼻 BB進化女神5.0

38歲時黃翠如，當時生日在阿Bob（林盛斌）的九龍塘寓所搞party， 同大班朋友一齊慶祝，連過氣情侶唐詩詠、洪永城亦激罕同場，加埋馬國明鐵 三角非常耀眼，不過點搶都唔及逆齡再進化的壽星女翠如搶眼，當翠如拉隊同好友們吹蠟燭時，就輪廓鮮明五官精緻，似足鬼妹仔，在眾星之中特別有光芒，非常吸睛。

而夫妻檔孖住出席超市活動，兩人緊緻臉容令人眼前一亮，瞬間成為焦點，翠如靚樣加倍突出，蘋果肌變激凸，更多埋個 蝦餃下巴，連鼻樑亦升高，不過，翠蕭重手執靚 樣，好快便引起網民熱烈討論，甚至有網民覺得翠如側面個鼻好突 出，似足之前被指有木偶鼻的楊怡，黃翠如整容瞬速成話題！

蕭正楠返老還童 齊齊變靚吸金

老婆愈變愈索， 蕭正楠當然要跟住學，夫妻同心其利斷金，兩人疫情前逆市成為廣告客戶搶手貨，除咗單拖演出及拍廣告，合體賺錢工作亦愈來愈多。

知情者爆料指：「其實阿蕭同翠如從來都唔介意一齊做嘢搵錢，結婚之後，就更加啱價就接，咁夫妻檔市場層面好闊，佢哋真 係多咗好多嘢做，為咗令客戶滿意，佢哋都好落力執靚樣吸客，唔敢再求求其其，以前阿蕭唔著重打扮，牛記笠記好隨便就出街，但家陣要保住形象，翠如都捉埋老公一齊扮靚！呢排都見阿蕭成個後生晒！」 蕭生蕭太咁有市場，當然緊張執靚樣把握時機賺定多啲奶粉錢啦！夫妻回春有法，生B應該沒難度！