陪散心放風箏 黃翠如改撐 唐詩詠
「不能錯過的女友」 多年來情路崎嶇，屢遇情場賤男，難得跟洪永城拍拖公告天下，可惜早前二人分別透過社交網宣布分訊，兩年半情告終。承受失戀之痛下，壓力爆煲的詩詠日日眼腫腫開工。昔日洪永城緋聞女友兼好兄弟 黃翠如 ，未有第一時間安慰巴打，反而轉軚撐對方的前度，連日陪玩陪食散心，知情人士 黃翠如 ，今次選擇幫番女人！
Source：東方新地| Photo：新傳媒資料庫、黃翠如IG、唐詩詠IG
五月正式分手
詩詠與洪永城早年因拍劇撻着，拍拖兩年半以來表面上相當恩愛，不過男方多次與劇集拍檔傳緋聞，又被指翻撻舊愛等。今年五月初，有消息指兩人感情生變，詩詠出席活動時亦承認受感情問題困擾，但一直未有正面回應。終於去到5月16日，詩詠與洪永城齊齊在各大社交網站出post，正式宣布分手。
黃翠如 唔撐巴打撐姊妹
詩詠和洪永城拍拖兩年半，有談過結婚，最後卻婚變分，洪永城被指不婚及花心，成分手死因，及後交代分手一事又被網民插爆笑住回應，態度唔認真，罪加一等成負心漢。見證二人拍劇撻着到熱戀的黃翠如，跟洪永城情如兄弟，但今次未有為兄弟否認負面傳聞，當記者問到洪永城有冇向佢訴苦，翠如更決絕話：「冇﹗我唔係佢嘅心理治療師﹗」提到男方公開仍然愛詩詠，翠如再落閘：「呢個你要問番佢﹗」
連日陪 唐詩詠 散心食好西
翠如BB未有為洪永城護航，但就處處維護詩詠：「我同詩詠有傾偈，感情事係其中一樣話題，作為朋友，我會支持同祝福﹗」雖然翠如近來忙於拍新劇《溏心風暴3》，當二人公布分訊後，翠如第一時間陪詩詠逛街、食甜品，日前被影到開車載詩詠去食糖水。就算蕭正楠要飛去橫店拍劇一個月，翠如不是爭取時間拍拖，繼續連日陪詩詠四圍散心，希望對方忘卻失戀之痛。
親親大自然
早前翠如BB一收工就到西貢大坳門會合詩詠，遠離人群，到郊外吸靈氣，雖然面對綠油油、天色蔚藍的美好景色，詩詠似乎提不起勁，不時鬱鬱不歡，翠如見狀不時講笑氹對方，又為詩詠影相拍片，真夠朋友！
有姊妹陪住，期間有小女孩走上前集郵，詩詠隨即展露燦爛笑顏，而翠如亦唔介意企在一旁等候。
小妹妹之後仲請佢哋食嘢，兩位姐姐果然魅力沒法擋！詩詠好開心咁食咗咁一塊薯片，而翠如雖然冇食，不過就摸咗小妹妹面豬一下，好有愛！
當風箏遇上風
之後詩詠同翠如去到一個放風箏熱點，同一班遊人打成一片，遊人們仲好熱心教佢哋放風箏，玩得好開心！
郊遊兩小時，放完風箏，兩人就搵個靚位補捉日落晚霞，翠如更將相上載到IG並留言：「幸福的感覺」。有好姊妹陪住，希望詩詠早日忘記傷痛，重新振作啦！
唐詩詠 黃翠如
唐詩詠哪段戀情最轟動？
唐詩詠有「最佳女朋友」之稱，卻在愛情方面一直食白果，雖然早前與伍允龍傳出緋聞，但唐詩詠火速否認關係。唐詩詠過往3段情轟動一時，包括…詳情請看
唐詩詠陷容貌升級爭議？
曾在唐詩詠主演的《鐵拳英雄》播出之時，有觀眾將目光卻停留在唐詩詠的容貌上，不少網友直指她現在的容貌與三年前有不少變化，其中以…詳情請看
