麥雅緻結婚五周年 張頴康：呃吓呃吓就80歲
張頴康同麥雅緻（Angie）結婚五周年啦！恭喜恭喜！Angie啱啱十月生咗囝囝「小花生」，為張家帶來一個新成員！一家四口樂也融融！今次適逢結婚五周年，身為「愛妻號」嘅張頴康又有咩新搞作？一齊嚟睇吓啦！
Text/Source：Sunday Kiss | Photos：張頴康 麥雅緻 專頁、新傳媒圖片庫
張頴康：呃吓呃吓就80歲
張頴康喺社交網站分享一張2012年嘅結婚相，原來噚日正正係佢同Angie結婚五周年正日！佢話因為老婆仲坐緊月，唔方便出街慶祝，只可以同佢簡單「Tea一Tea」。不過，佢就應承老婆下年一定會補番慶祝！佢講笑話：「我決定由今年起，每年都講同一番說話，因為咁樣，佢就會喺我身邊等下一年嘅結婚紀念日！」因為咁樣一年呃一次，呃吓呃吓就80歲！冧死人咩！
張頴康同麥雅緻喺2012年11月8日喺伯大尼教堂舉行婚禮，當日星光熠熠，場面熱鬧。
經常發愛的宣言
其實張頴康已經唔係第一次同老婆講愛的宣言，之前「小花生」出世一星期，阿康就深情剖白話：「無論以後嘅日子點樣，我都會盡我能力保護我嘅家庭！多謝老婆用自己嘅身體完成咗我呢個願望！我老婆為我嘅付出，坦白講，我都唔知點還、點報答！希望下一世我可以做女人幫番你生BB啦！」
計小編話齋，做媽媽嘅犧牲雖然好大，不過有個咁錫自己嘅老公，Angie咩都抵番晒！
大家又睇唔睇得出「小花生」似爸爸定媽媽？
一家四口拍全家福
早前，Angie一家就專程搵攝影師影全家福，留住最美一刻！阿康都有同大家分享當中嘅靚相！攝影師仲透露：「小花生知道自己要影靚相好乖，唔夠三個鐘仲影咗十個造型。」
原來佢哋冇出影樓拍攝，反而搵攝影師喺屋企影寫真！效果都一樣好溫馨唯美！
小豆喺道具bb車內緊抱住小花生，畫面超有愛！小花生長大後會唔會取代家姐成為最上鏡的星B？大家要拭目以待啦！
Angie分娩前都有一家去影寫真，個個都大讚佢哋一家都好靚，唔止小豆可愛，爸爸身形Fit爆，媽媽即使大住肚都咁靚女！
希望Angie快啲分享更多「小花生」嘅靚相畀大家睇啦！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
