馬國明都話鍾意！絕世好女友 唐詩詠

Edit | Avis
Images | Weibo, 東方新地

馬國明在訪問中親口承認鍾意 唐詩詠 ，仲寄語城城（洪永城）要好好珍惜。唐詩詠係好女友，網民普遍認同，早前更已經有人出潮文講過，但係好到連契哥馬國明都講明鍾意，睇嚟緋聞女友不少嘅城城（洪永城）真係打醒十二分精神！

潮文重溫：《有一種女朋友叫唐詩詠》

馬國明接受雜誌訪問，直言鍾意好似詩詠呢類斯斯文文嘅女仔。而佢地感情亦真係非常好，以契哥契妹相稱，一齊拍攝節目嘅梁烈唯話變咗電燈膽，連網民都讚佢哋好襯。

唐詩詠 一早已被網民推舉為「中國好女友」，其實佢究竟有幾好？

唐詩詠 喺圈中人緣好好，因為佢對朋友同事都樂於細心照顧，斯文大方又冇港女架子。

另外佢生活亦都非常低調貼地，有別於其他明星要助手陪同幫忙，詩詠會自己行超市，自己去藥房，戰利品就係生活必需品同日用品，日常生活精打細算，甚有人妻風範。

唐詩詠亦十分有生意頭腦，早前引入台灣早餐三文治，大受歡迎，小試牛刀已有錢賺，處理自己嘅財政都一定冇問題。

一個細心、慳定又獨立嘅女仔，拍拖時又點呢？

早年同男友崔建邦拍拖，對男友溫柔體貼，識得體諒對方之餘容忍度亦非常高！男友不時背住夜蒲偷食，詩詠都默默忍受不離不棄，仲為男友講盡好話！

8年感情離離合合，但詩詠嘅專一同堅忍，幾乎可用神級嚟形容！

分手後幾年遇到洪永城，兩人感情發展得好好，非常恩愛，但係洪永城身邊有個「戀人未滿」嘅閨蜜黃翠如，好似變咗第三者嘅詩詠不但唔介意，仲大方回應，更同對方做埋好朋友！呢啲女友，邊度搵？

同時洪永城又同蔡思貝拍劇時傳出緋聞，同前女友Bird更有翻撻疑雲，又話曾經撻著黃婉曼劈腿有前科……終於激嬲詩詠！

雖然現時關係穩定，但面對馬國明突然表白，洪永城真係要好好珍惜女友至得呀～

延伸閱讀：
▲ 如果我是唐詩詠 – 面對另一半異性好友的5大法則 www.sundaymore.com/?p=250709
▲ 《有一種女朋友叫唐詩詠 》 www.sundaymore.com/?p=375026

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook: https://www.facebook.com/morehk.hk