公屋港姐陳庭欣傳與10億男友好事近 進駐九肚山3千尺豪宅 為男友忍氣吞聲「再花心都撐」
公屋出身的陳庭欣34歲陳庭欣（Toby）與坐擁十億身家的彩豐行老闆楊振源（Benny）拍拖後，不時晒恩愛，雖然曾傳出有小三小四傳聞，但似乎無動搖陳庭欣地位，近月搬進沙田九肚山洋房更被傳兩人好事近，似乎很快就會結婚？
原文刊於：東方新地｜圖：陳庭欣IG、「Animore TV 動物踩過界」YouTube截圖
2010年港姐冠軍陳庭欣，公屋出身的她昔日與家人居於九龍灣啟晴邨，近月搬進月租廿萬的沙田九肚山洋房，實用面積超過三千呎，並且有特大天台、車庫及花園，生活愈來愈富貴﹗陳庭欣近日貼出在家慶祝生日的照片，令豪宅內貌曝光﹗
陳庭欣的九肚山豪宅內樓底高放上巨型燈飾，大理石大圓餐桌等豪華裝潢更成焦點， 她在YouTube頻道「Animore TV 動物踩過界」中拍攝為愛犬沖涼，與生日照背景相同，片中豪宅內的大理石浴室、天台及客廳等一一曝光﹗
陳庭欣生活指數大升呢，與十億身家男友18年6月公開拍拖後，雖然男方不時傳出緋聞，但陳庭欣每次都出面力撐男友，最近有傳二人好事近，考慮在今年內結婚，有機會成為第二任楊太﹗
傳婚訊網民撥冷水：要娶一早娶咗啦﹗
網民對陳庭欣傳婚訊竟然不是送祝福，不少網民心水清指其男友過去有不少花邊新聞，陳庭欣一直啞忍等入豪門之夢未必成真﹗
陳庭欣為入豪門啞忍多時
早前在劇集《多功能老婆》演進擊的小三搶晒fo的陳庭欣 （Toby），回到現實，同億萬富商男友彩豐行老闆楊振源 （Benny）拍拖年多，早前亦被進擊小三攻陷，令兩人感情出現暗湧；以往經常人前人後晒恩愛，曾在聖誕節大晒陪男友慶生過節合體放閃，點知轉個頭，男友被踢爆秘密收埋小三陳潔玲及小四阿Yu，一直被蒙在鼓裡的她，正印地位危危乎！男友被揭花弗專攻巨乳妹，網民指陳庭欣還要維護男友為他解畫，兼在元旦日在IG貼實男友咀住上演恩愛騷， 為釣金龜入豪門繼續啞忍！
陳庭欣有米男友小三小四全屬巨乳妹
前港姐冠軍陳庭欣，同彩豐行老闆楊振源（Benny）拍拖後愛得甜蜜， Toby更早已由住開的啟晴村搬入男友位於圓方的豪宅同居，早前Benny投資開設健身中心， Toby性感拍廣告做生招牌，變身老闆娘為男友生意谷盡宣傳，又孖住過聖誕甜蜜放閃。
以為打風打唔甩，誰知男友Benny被人貼街招唱衰，指他與Toby好友阿Yu有染，直指兩人是「狗男女」，還指Toby是傻港姐、被利用！不過，事件 爆出後，Benny原來已撇甩女友與友人飛日本滑雪，懶理傳聞自己繼續開心，留低Toby收拾殘局，可惜來不及解畫，兩人感情再起波瀾，再傳出阿Yu原來只係小四，小三其實是大胸港姐陳潔玲，感情關係錯綜複雜。
主動埋身一心嫁豪門 做後母幫手湊前妻兩子
據知情者透露：「Toby 性格好進取，當年彩豐行有份贊助港姐選舉，佢之後搵機會主動埋Benny身，將人哋前度Ruby（劉依靜）踢走，為咗箍實男友，成日check住Benny行蹤，好快就搬入Benny屋企同居，又幫Benny湊仔（Benny同前妻所生的兩個兒子），藉以融入Benny家庭，不過， Benny有米又有事業，可以話係鑽石筍盤，一路好多女 埋身，又點會睇得實？有時Benny一句話開會，都會甩佢底，所以爆出有小三、 小四，其實佢都心中有數！」
不過，自從識咗富貴男友由屋村妹升呢，陳庭欣一直心急想嫁入豪門上 岸，即使男友被揭花弗，為保正印地位亦只好啞忍。據知情者透露：「佢喺男友公司同健身中心都放咗線眼，所以呢排Christy（陳潔玲）成日上健身中心打躉，佢早就收到風，但又唔敢過問男友，惟有一得閒就突擊落去踩場，件事爆出嚟，佢真係好唔開心，呢排返電視城開工，都冇厘神氣，唔似得以前咁神采飛揚，雖然口講話冇嘢，但Benny冇將件事同佢解釋清楚，佢又唔敢強硬詐型，怕適得其反，真係有苦自己知！」 剃人眼眉者反被人剃眼眉，唔通真係定律！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
