40歲前港姐陸詩韻淡出幕前變身成商界女強人 高調炫富「狂晒」名牌惹網民反感
40歲的前港姐亞軍陸詩韻，近年轉營做生意，間中亮相幕前，生意愈做愈大，風山水起，不時在社交網分享富貴生活，日前更貼出大量名牌手袋堆積如山的震撼畫面，被網民指她炫富惹來負評，陸詩韻解釋自己炫富有因。
原文刊於：東方新地｜圖片來源：sharonluk1229@Instagram
葉翠翠同屆港姐陸詩韻 淡出幕前變身成商界女強人
2005年港姐亞軍陸詩韻簽約無綫後入行，近年鮮有拍劇，轉攻做商界女強人，生意似乎愈做愈大，不時在社交網分享富貴生活，揸跑車、住獨立屋，早前又斥資百萬裝修工作室。
陸詩韻雖然在演藝成績平平，但朋友非富則富，09年開始搞美容生意，15年創業開設網購平台主攻代理日本護膚品，及後又推出自家護膚品牌，搖身一變成商界女強人，現居西貢匡湖居海景獨立屋，出入以名貴跑車代步，食住玩用著都好奢華﹗早前更貼出由大量名牌手袋， 當中有不少限量版手袋，被網民指刻意炫耀身家惹來反感﹗
陸詩韻晒包後引起網上熱話，她在社交網解釋炫富有因，她指相片是大半年前的舊照，並指堆積如山的的名牌手袋並非屬於她，她指去年底為募集善長人翁捐出手袋作拍賣，當時她義務任拍賣主持，故拍下這張照片作宣傳，更請大家不要抺煞了有份出力的籌委會成員，最後指手袋唔使太多，有就好了﹗不過有網民留言指「手袋係唔使多，不過一個手袋等如層樓首期呢﹗」
陸詩韻持續修葺驚現刀削面
陸詩韻05年選港姐得亞軍，簽無綫後發展平平，冇一個角色令人留下深刻印象，不過花邊新聞就唔少，被封富豪狙擊手。星途前景唔明朗，09年離巢搞生意，轉行做美容自己亦做生招牌，十五年前的闊面大腮骨陸詩韻，近年五官愈變愈標緻，V 煞下巴刀削面就最為明顯。 繼在《宮心計2深宮計》飾演宋王妃後， 陸詩韻再以「殷紅」這個身份現身熱播無綫劇《法證先鋒IV》，演技有冇進步應該冇人理，逆齡進化面目全非，成為觀眾的焦點所在，夠晒話題性。
陸詩韻搶鏡客串回春登場《法證先鋒》
《法證先鋒》拍到第四輯，廿年前第一輯的主角歐陽震華、林文龍與蒙嘉慧，已變成黃浩然、譚俊彥和李施嬅，而 劇中更有不少熟口熟面的資深演員穿插其中，就連轉行做美 容的陸詩韻（Sharon）亦搶鏡登場，她所飾演的女明星「殷 紅」於最近幾集戲份甚重，成為殺人案的關鍵人物，劇情緊張之餘，不少網民對陸詩韻的容貌更是議論紛紛。
陸詩韻被網民大讚是凍齡美女，當年選港姐時的她面圓加丹鳳眼，仲有激凸身材，入圍已是大熱，經過十五年的歲月洗禮，陸詩韻唔止面目全非，仲愈變愈後生。據知情者透露：「近年Sharon容貌不停進化，雖然話依 家手機美圖apps可以修圖，但佢真係離奇逆齡生長，兩年前喺《宮心計2深宮計》客串飾演宋王妃，演技絕對唔夠V煞 膠面搶鏡，佢個形同利器嘅下巴真係有啲誇。到最近《法證先鋒IV》再客串，一出場就有驚喜，唔少觀眾都認唔到係佢，五官變得緊緻，睇上去真係廿幾歲咁，簡直係判若兩 人。」女大何止18變，喺陸詩韻身上有72變㖭！
陸詩韻創立自家護膚品牌 強調冇整容
陸詩韻近年除了創立了自家護膚品牌，仲代理日本護膚產品和做美容公司代言人，對於面目全非，她堅稱是因為自己對變靚非常有研究，日常生活與飲食健康最為重要，只會做機或者進行一些美容療法去延遲衰老，絕對不會去整容。下一次再客串拍劇，陸詩韻再進化再變面，咁咪次次都有新鮮感囉！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
