宮心計|陳詩慧21歲近照曝光!「小三好」變初熟美少女:撞樣港姐徐淑敏
陳詩慧在《宮心計》中飾演佘詩曼童年的「小三好」,因最近《宮心計》深夜時段重播,再次引起網友熱議。陳詩慧同時也在《公主嫁到》中飾演阿佘童年,年紀小小已演技了得,當年陳詩慧眼淚話流就流感動不少觀眾!陳詩慧不知不覺已經21歲﹐網友紛紛大讚女大18變!
陳詩慧童星出身
陳詩慧同家姐陳小慧都是童星,兩姊妹樣子可愛又精靈,是在街上被星探發掘﹗陳詩慧05年開始拍電影,參演過謝霆鋒、房祖明《男兒本色》和古天樂、大S《保持通話》等。陳詩慧在《保持通話》飾演大S女兒方如婷,因而被《宮心計》監製梅小青睇中飾演佘詩曼童「小三好」,由於兩部電影都是陳木勝做導演,前年陳導離世,陳詩慧亦貼出合照及懷緬拍攝時的點滴,更以「提攜我的導演」尊稱對方﹗
陳詩慧《宮心計》演兩個身份
陳詩慧拍《宮心計》時,幾乎場場戲都要喊,話喊就喊的淚功,完全難唔到佢!
陳詩慧頭兩集就做小三好,到大結局就做三好個女,鄭嘉穎飾演嘅高顯揚,就係佢「爸爸」喇!
陳詩慧演出小三好與小金鈴在當年《宮心計》播出時同樣受觀眾歡迎!有指陳詩慧喺片場有私家椅坐,兼可以自由出入化妝間,所以搞到其他小童星眼紅!
陳詩慧其後在劇集《公主嫁到》又再飾演佘詩曼嘅小時候同囡囡,真係有緣﹗
陳詩慧在無綫劇《女拳》扮演童年陳法拉,辛酸兼缺乏母愛,絕招依然係喊得夠自然!
陳詩慧媽媽為女兒學業推周董電影 失六位數酬勞
陳詩慧被指曾獲邀演出周杰倫主演電影《逆戰》,酬勞有六位數字,但因要到外地拍攝兩個月,必須要向學校請假,陳詩慧媽媽怕影響女兒學業,所以最後把電影推了,雖然失去同周董合作機會,不過陳詩慧卻能與不同大卡士演員合作,例如林峯、張家輝等等!
陳詩慧兩姊妹長大成美少女
陳詩慧是無綫御用童星,出鏡率好高,有指她升上小學4年班後成績不理想,被老師勸告要專注學業,不過陳詩慧為興趣仍然堅持拍劇,小學畢業考入元朗區官立中學之後,才正式停止拍劇﹗ 呢間中學都出過不少名人,如馬神馬德鐘同太太張筱蘭,讀同一間中學讀書並邂逅!陳詩慧今年已經21歲,同家姐陳小慧一樣,大個咗都係咁靚女,戴起副大框眼鏡,添了幾分文青氣息,還有網民指撞樣徐淑敏!
陳詩慧孖男友放閃晒合照
陳詩慧已經由當初的小童星長大成21歲初熟少女,而且有一位拍拖數年的男朋友,之前在社交網貼出男友合照放閃,留言「I like me better when I’m with you,嘿~心血來潮,啪啪…啪啪啪啪,真係癡得我多咁似我嘅,你記唔記得當年今日你同我第一次撘叮叮,仲要第一次同你拖住撞到friend,第一次襯情侶衫,第一次錫你臉豬dun(講個秘密,佢比我錫完之後自己行開咗冷靜成分鐘)。」
陳詩慧公開奪男友初吻:我會負責任
陳詩慧爆奪去男友初吻:「我同你第一次行中環碼頭你就送咗個好好好好好好好珍貴嘅初吻比我,真係邊有人亂咁比初吻比一個見咗一面就鍾意嘅人架, 真係傻,不過你好彩喇,遇到個好似我咁負責任嘅人。無論一年前,定係一萬年後…我都會一直喺你身邊陪住你捱過佢…唔洗驚 不顧一切勇敢衝啦,你得架豬。」
陳詩慧的家姐是誰?
陳詩慧的家姐是陳小慧,兩人都是童星,兩姊妹樣子可愛又精靈,是在街上被星探發掘… 詳情請看
陳詩慧在《宮心計》中飾演哪兩個角色?
陳詩慧《宮心計》演兩個身份,頭兩集就做小三好,到大結局就做三好個女,幾乎場場戲都要喊… 詳情請看