陳慧琳因一事淚灑舞台 大曬29年前出道照：「唔知仲可以企多幾多年」

陳慧琳在舞台上展現了非凡的狀態，她保持了健美的身材，以多套華麗、閃亮、性感、高貴且獨特的服飾登場，配以她多年來的經典情歌和跳舞曲目，再次與歌迷見面。

陳慧琳大曬29年前出道照

時隔4年再開演唱會的Kelly，除了精心炮製歌單，她亦分享了自己的內心世界。Kelly大爆在初出道時，因為當時的經理人Paco幫她找了神算子出紅色最旺Kelly，所以出道時她由宣傳照到出席活動，都是以紅色裝束示人，結果紅足20多年。大熒幕上更曬出陳慧琳20年前的青澀出道照，張張經典，連Kelly自己都話：「真係一見難忘啊，宜家叫我做呢啲動作都做唔返。」

陳慧琳感觸淚灑舞台：唔知仲可以企多幾多年

Kelly續指：「其實我又唔係好信呢啲嘢，但又會諗返起，如果當年唔係著紅色，今日又輪唔輪到我企喺呢個台呢？又唔知可唔可以再企耐啲呢？」這時台下歌迷尖叫聲不斷，瘋狂叫喊Kelly的名字，看到如此熱烈的反應，Kelly最終忍不住哭起來，並說：「唔知仲可以企多幾多年呢？呢啲都係唔好諗咁多喇，自然啲啦！」

好友馮德倫力撐做嘉賓

此外，Kelly今次演唱會邀請到好友馮德倫現身開金口。自從轉做導演之後，馮德倫就一直未有再在公開場合唱過歌，今次特意為Kelly大開金口，更一同合唱當年的hit爆K歌《紀念日》和《北極雪》。馮德倫在台上表示：「我唔單只好耐冇唱過呢隻歌，我仲要係好耐冇唱過歌。」Kelly即笑言：「聽得出！保持返20年前嗰個水準，都OK嘅。」接著二人在台上不斷互派高帽，互讚對方Keep得好，二人你一言我一語，逗得台下歌迷笑聲不斷。

用誠意打動馮德倫：佢考慮咗一個月

Kelly在演唱會過後接受訪問時，指今次邀請馮德倫做嘉賓絕非易事。Kelly指三個月前已經開始問馮德倫做嘉賓：「佢都考慮咗一個月至答應，因為佢太耐冇唱過歌了，我就用我嘅誠意打動咗佢，我就話你鍾意唱邊首都得，我可以同你一齊唱，佢最後就話好啦！我就嚟做你演唱會嘉賓啦！」

預告或明年底香港開唱

除了歌迷，屋企人亦因為假期有前來澳門看Kelly的演出，而且看得很開心呢！而澳門站過後，Kelly透露：「稍後會去美加，星馬等地，香港應該明年年底，呢段時間再儲多啲靚歌俾大家聽啦！」不過因為香港場館檔期很搶手十分難Book，Kelly的歌迷或者仍要等等了！

重溫陳慧琳演唱會大曬修長美腿

Kelly一開場即穿上黑色戰袍，頭頂戴住金色后冠登場，霸氣十足。唱到《Ask》中段，Kelly突然脫下戰袍與后冠，以一身超高衩金色泳衣舞衣示人，突然變性感大騷修長美腿。年過50的Kelly保養得宜，身上一絲贅肉也沒有，完全看不出她已是2子之母！

時隔4年再開演唱會變「Kelly 2.0」

陳慧琳一開場就又唱又跳，以勁歌熱舞輕鬆帶熱全場氣氛。連同16位舞者唱完《Ask》和《都是你的錯》之後，現場粉絲們都以熱烈的歡呼聲以示支持。Kelly指：「4年裡面變化好大，發生好多事。今次演唱會叫Season 2，亦代表住我嘅重新出發，呢個演唱會應該騷一個進化咗嘅我出嚟，即係『Kelly 2.0』，因為唔進化就退化，所以可能亦因為自己係處女座，不斷Chur自己，拎最好嘅嘢出嚟。」

全場換足6套衫 舞台設計極花心思

畢竟時隔多年重踏舞台，Kelly無論在舞台設計方面，還是在服裝方面都花盡心思。雖然演唱會舞台上只得一個大型三角塔作唯一舞台擺設，但大熒幕上所放映的每一段片段都媲美電影場面，夠曬詩意又有心思。至於服裝方面，Kelly在短短個半鐘演唱會中換足6套衫，件件都能夠突顯Kelly fit爆身材。

梁文禮化身小粉絲捧場

今晚演唱會場面熱鬧，全場爆滿座無虛席，就連商台DJ梁文禮都有到場捧場。從大會影片中可見梁文禮一臉雀躍，在其社交平台亦可見他瘋狂更新限時動態，現場直擊Kelly演唱會每個細節。梁文禮上次去完梁詠琪演唱會，轉個頭就喺社交平台私人帳戶批評Gigi演唱會上的表演以及服裝，唔知今次又對Kelly演出有何評價呢。

陳慧琳 Season 2 演唱會 澳門站》尾場歌單

1. Ask
2.都是你的錯
3. 開始
4.三秒鐘
5.愛你愛的
6.醉迷情人
7.懦弱
8.我的親人
9.數到三就不哭
10.伶仃
11.談情的價值
12.花花宇宙
13.烈愛成灰
14.北極雪（guest：馮德倫）
15.紀念日 （guest：馮德倫）
16.愛情來了
17.花花世界
18.誰願放手
19.風眼
20.風花雪
21.一切很美只因有你
22.最佳位置
23.最愛演唱會
24.記事本
25.戀愛情色
26.不得了（〈花花宇宙〉國語版）
27.不如跳舞（〈失憶周末〉國語版）
Encore

28.星夢情真
29.對你太在乎