陳凱琳宣布封肚 產後谷奶復出晒幸福
陳凱琳（Grace）今年七月為鄭嘉穎再添一子，誕下二仔Yannick，日前她在產後首度現身，以Deep V白色禮服造型出席品牌活動，餵母乳的她上圍明顯升Cup，谷出三吋事業線，對此她笑言：「有好有唔好，好嘅係能夠增強BB嘅抵抗力，雖然身心疲累，但見到BB健康，辛苦都值得，唔好嘅就真係好攰，每兩、三個鐘頭就要泵奶！」
撰文：東方新地｜圖片：東星相片及陳凱琳IG
陳凱琳：暫時封肚湊仔
現年29歲的陳凱琳自2018年嫁鄭嘉穎後兩年抱兩，先後誕下大仔鄭承悅（Rafael）和細仔鄭承亮（Yannick），被問到會否再追多個女，她直言：「順其自然啦！依家好忙，如果太快生第三個，會覺得對兩兄弟唔住，嘉穎都話睇我意願，所以依家都係Focus照顧兩個仔先。」
陳凱琳直言現在要同時照顧兩個囝囝，壓力比較大：「我喺屋企99%時間都係著住睡衣，好彩嘉穎放工返嚟都會幫我帶大仔出去公園玩，又會照顧吓細仔。」
陳凱琳指大仔Rafael好錫細佬，但他現時只得1歲半，仲細未識得去照顧細佬，她笑言：「細佬未出世我已經同Rafael講定，佢好開心有人陪佢玩。」
陳凱琳又講到大仔現時很喜歡上Playgroup，成日玩到唔願走：「我成日都要拉住佢走。」
陳凱琳婚後兩年未有再幫無綫拍劇，而鄭嘉穎近日就回巢拍無綫新劇《兒科醫生》（前名《兒童醫院》），預計劇集將拍到今年12月。
有傳陳凱琳不與無綫續約，她強調自己與無綫仍有合約關係：「但我依家要全力照顧兩個小朋友，暫時都兼顧唔到拍劇，老公開緊劇就我留喺屋企，如果我想拍就要佢留喺屋企，兩個同時開工就難啲。」
提到其生意拍檔雪姨以950萬元買入林燕妮的故居，陳凱琳說：「你問番佢，我真係唔知，如果佢買樓同珠寶送畀我，我都唔介意嘅！」
陳凱琳從無想過跟鄭嘉穎拍拖？
陳凱琳曾分享鄭嘉穎是她的靈魂糧食，不過從無想過跟鄭嘉穎拍拖，因為她認為很無安全感，細看原因，而二人不時分享湊仔日常，何文田豪宅意外曝光，2千5百萬豪宅裝潢一覽。近日，二人又表示家庭即將變得更壯大，拍片宣布懷第三胎。
陳凱琳與細佬屢被質疑非父母親生？
陳凱琳與細佬為龍鳳胎，每每分享合照都會引起網民討論，有不少網民好奇陳凱琳母親、爸爸及姐姐不像混血，陳媽媽也曾為此解釋：陳媽媽剖白似印度人之謎。
