萬千星輝頒獎典禮2021｜鍾嘉欣陪跑14次仍失落最佳女主角奪大馬視后意有所指：祝福TVB

Q: 問:鍾嘉欣入行了多少年?

答:鍾嘉欣入行了17年，今次再憑《星空下的仁醫》中章以芯一角演繹也多層次演技再獲提名，但... 請看詳情 。

Q: 問:鍾嘉欣在萬千星輝頒獎典禮2021得到那些獎項?

答:鍾嘉欣在萬千星輝頒獎典禮2021得到了.. 請看詳情 。

Jan 3 2022

《萬千星輝頒獎典禮2021》鍾嘉欣陪跑14次仍失落最佳女主角！入行17年的她已獲提名13次卻都止步於五強，今次雖憑著《星空下的仁醫》中章以芯一角演繹也多層次演技，獲不少網民大讚演技肉眼可見的進步而成為大熱，可惜仍止步五強。不過雖然鍾嘉欣失落視后，但戲外她卻家庭美滿，更曾因和兩子女分隔兩地而獨自傷心。

《萬千星輝頒獎典禮2021》鍾嘉欣陪跑14次仍失落最佳女主角

鍾嘉欣多次陪跑後今次只獲得大馬視后，在奪得馬來西亞我最喜愛女主角致詞時冷靜地表示：「入行17年時間過得真快，在電視圈中站穩是需要很大汗水。也很感謝TVB給予了鍾嘉欣一個名，在以後日子中也會繼續祝福TVB。」

鍾嘉欣鍾嘉欣奪得馬來西亞我最喜愛女主角 — 鍾嘉欣奪得馬來西亞我最喜愛女主角（圖片來源：TVB《萬千星輝頒獎典禮2021》截圖）

《萬千星輝頒獎典禮2021》鍾嘉欣以多層次哭戲突圍

入行多年的鍾嘉欣一直以喊戲知名，卻曾被網民指她的喊戲缺乏層次。今次久休後復出拍攝《星空下的仁醫》，被網民力讚不止台詞張力發揮出色，更指多場不同喊戲都成功帶出不同的情緒，形容今次她的喊戲有明顯不同。

《萬千星輝頒獎典禮2021》鍾嘉欣陪跑13次仍未能封后

其實鍾嘉欣入行17年來已經獲得13次視后提名，更曾於2011年《點解阿Sir系阿Sir》中的爆發場面中得到網民們好評，直言這個角色絕對是視后首選，不過儘管網民力讚卻依舊敗給胡杏兒；而2013年亦憑《巨輪》成為視后大熱，卻仍敗給同劇拍擋田蕊妮，令網民大感可惜。

《萬千星輝頒獎典禮2021》突宣佈攜子返港為出席頒獎禮

從未拎過視后的鍾嘉欣，已在無綫台慶頒獎禮陪跑了13次，今次憑《星空下的仁醫》叫糊，被網民視為最佳女主角大熱，再加上她突然由加拿大返港，有傳「視后」非她莫屬，為此鍾嘉欣日前接受無綫娛樂新聞台訪問時，開腔回應返港爭獎一事。

鍾嘉欣多年來陪跑多次都未能成為「視后」，今次憑《星空下的仁醫》呼聲甚高。亦有有網民發現鍾嘉欣至今如果今年未能登上「視后」寶座，實在天理難容。 — 鍾嘉欣多年來陪跑多次都未能成為「視后」，今次憑《星空下的仁醫》呼聲甚高。（圖片來源：IG@chungkayanlinda）

萬千星輝頒獎典禮2021｜鍾嘉欣否認返港爭視后冇都冇所謂：繼續用心做人 — 鍾嘉欣成功打入「最佳女主角」十強。（圖片來源：無綫娛樂新聞台影片截圖）

鍾嘉欣：有冇都冇所謂！

身在酒店進行隔離的鍾嘉欣透過電話說：「今次我返嚟最主要係因為要處理私人事同埋屋企嘢，因為有一年多冇返香港喇，咁我盡快處理完之後呢我就會返加拿大。今次最開心就係可以帶埋個仔陪同，畀佢見識媽媽成長嘅地方同埋學吓廣東話啦，同埋可以見番一啲親戚同朋友。咁至於入到十強呢，我自己好開心，章以芯呢個角色我諗係我咁多年嚟拍戲最鍾意嘅角色，獎項就隨緣啦！如果有獎嘅話我會好開心去迎接，冇都無所謂，我仍然會繼續用心去做人嘅，多謝大家，多謝大家支持我，希望大家都支持《星空下的仁醫》所有嘅提名。」

網民唔信鍾嘉欣唔出席頒獎禮

鍾嘉欣話自己唔係為爭獎返港，網民又點睇？

去片！鍾嘉欣否認傳聞

鍾嘉欣母子在酒店隔離

《萬千星輝頒獎典禮2021》候選名單公布鍾嘉欣憑《星空下的仁醫》提名最佳女主角及最受歡迎電視女角色，之前曾揚言再返港的鍾嘉欣，原來早前帶3歲細仔Jared返港，現正在酒店隔離中，心水清網民指其特意返港「攞獎」。

鍾嘉欣在《星空下的仁醫》中演出備受讚賞，成為視后大熱人選，本來下次返港應是十年後的鍾嘉欣，近日秘密帶細仔返港，日前貼出母子在酒店隔離的照片﹗囝囝愈大愈似鍾嘉欣﹗（圖片來源：IG@chungkayanlinda）

鍾嘉欣今次不再獨自返港，而是帶了細仔陪同，未知受好友胡杏仁教路﹗ — 鍾嘉欣今次不再獨自返港，而是帶了細仔陪同，未知是否受好友胡杏兒教路﹗（圖片來源：IG@chungkayanlinda）

鍾嘉欣加拿大返港「攞獎」，怕唔到冇獎？

鍾嘉欣去年返港拍攝《星空下的仁醫》時一度太掛住在加國的一對子女，訪問中講講吓就爆喊，當時鍾嘉欣指與家人分隔兩地心情好低落，所以曾預告呢次之後，相信十年後先會再返港﹗但近日鍾嘉欣出po貼出母子合照，原來二人返港現正在酒店進行隔離，指可以同囝囝Jared拍拖好開心，不過卻被網民指返港攞獎，留言「到未必有獎，唔到就一定冇獎」﹗

鍾嘉欣在《星空下的仁醫》演技受激讚，尤其多場喊戲，她成功演到不同層次，被網民大讚攞硬視后﹗ — 鍾嘉欣在《星空下的仁醫》演技受激讚，尤其多場喊戲，她成功演繹不同層次，被網民大讚攞硬視后﹗（圖片來源：IG@chungkayanlinda）

《星空下的仁醫》主角鍾嘉欣和鄭嘉穎被指是視帝視后大熱﹗（圖片來源：IG@chungkayanlinda）

鍾嘉欣揚言最後一次回港工作下次將會是10年後

靚媽鍾嘉欣去年留港拍攝無綫新劇《星空下的仁醫》，要同老公 Jeremy及仔女Kelly、Jared分隔兩地三個幾月，難免心掛掛，當時相隔返加國還有一個月左右，但鍾嘉欣話已經準備好晒行李同機票，每日都倒數緊飛返去見仔女的日子！鍾嘉欣話太掛住一對仔女，所以當今次係最後一次回港工作，下次再返香港開工可能已經係十年之後！

鍾嘉欣日前她上載一對仔女的靚相到社交網一解相思，相中囡囡Kelly扮成《魔雪奇緣》中的公主Elsa，囝囝Jared就扮成小雪人Olaf。 — 之前鍾嘉欣上載一對仔女的靚相到社交網一解相思，相中囡囡Kelly扮成《魔雪奇緣》中的公主Elsa，囝囝Jared就扮成小雪人Olaf。（圖片來源：IG@chungkayanlinda）

除了分享一對仔女的靚相外，鍾嘉欣又分享了自己在酒店房內的床上照，相中穿著睡衣的她碌大眼望著一床劇本，樣子十分趣怪。（圖片來源：IG@chungkayanlinda）

鍾嘉欣兩歲囝囝 Jared 眼大大又面尖尖，亦獲網民大讚Cute 爆。 — 兩歲囝囝 Jared 眼大大又面尖尖，亦獲網民大讚Cute 爆。（圖片來源：IG@chungkayanlinda）

鍾嘉欣網友都大讚四歲的Kelly愈大愈靚女，同靚媽嘉欣十足餅印一樣。 — 網友都大讚四歲的Kelly愈大愈靚女，同靚媽嘉欣十足餅印一樣。（圖片來源：IG@chungkayanlinda）

鍾嘉欣為百萬冒險返港拍劇

身為兩個小朋友媽咪的鍾嘉欣，拍攝《星空下的仁醫》對上一次在港拍無綫劇集，已經是15年的《巨輪 II 》，婚後移居加拿大相夫教子女，嘉欣只曾在18年客串劇集《再創世紀》，當時全部戲份都在加國拍攝，呢次獨自返港拍劇幾個月，難免思鄉。據知劇中多位主角鍾嘉欣、鄭嘉穎、羅仲謙，酬勞亦相當之高，知情人士透露：「上次拍《再創世紀》，嘉欣酬勞已經好高，今次要返香港拍幾個月，酬勞更加高到三百萬，呢個價係佢以前拍劇嘅幾倍，而且可以同嘉穎同馬明合作，呢個卡士好吸引，先至打動到佢！不過嘉欣最大考慮係一對仔女始終仲細，考慮咗一排同老公商量好，本來計劃好晒，自己先返香港一個月，8月再安排老公同一對仔女嚟香港陪佢，當做一齊喺香港放大假！」

鍾嘉欣日前已剪短髮方便打理的嘉欣收工手上還攞住劇本，新劇演兒科醫生的她，據知劇本有唔少專業名詞，令她要花更多時間熟背台詞。 — 去年鍾嘉欣為拍攝《星空下的仁醫》而剪短髮方便打理，收工後手上還攞住劇本，劇中演兒科醫生的她，由於劇本有唔少專業名詞，令她要花更多時間熟背台詞。（圖片來源：東方新地照片庫）

慳妹鍾嘉欣，今次返港未有租住酒店，反而繼續住番之前的將軍澳寓所，當日收工孭住背囊的她，亦未有聘請助手照顧和協助。 — 慳妹鍾嘉欣，去年返港未有租住酒店，反而繼續住番之前的將軍澳寓所，當日收工孭住背囊的她，亦未有聘請助手照顧和協助。（圖片來源：東方新地照片庫）

鍾嘉欣久未拍劇的嘉欣，為應付演出，落車時仲攞住劇本睇。 — 久未拍劇的鍾嘉欣，為應付演出，落車時仲攞住劇本睇。（圖片來源：東方新地照片庫）

疫情反彈被迫停工掛念仔女偷偷匿埋喊

但世事未能盡如人意，嘉欣去年六月底啟程返港做準備，家居隔離14日後，定好7月中出關拍劇，卻因新冠肺炎疫情突然反彈，當時每日肺炎確診數字破百，疫情高危下劇組被迫停工，嘉欣亦只好留家繼續等。據知情者透露：「返咗嚟成個月都未開到工，同仔女分隔咁耐每日只係靠 FaceTime，又怕延遲咗有排都返唔到加拿大，嘉欣情緒好大起伏，成日掛住一對仔女，有時諗諗吓會唔開心匿埋喊，佢想盡快拍完返屋企，見確診數字回落咗啲，已經催劇組快啲開工，仲聲明務必11月要拍晒佢啲戲份，佢要趕返加拿大見仔女。」